بەيسەنبى, 28 ناۋرىز 2024
الاڭ 7287 46 پىكىر 27 ءساۋىر, 2019 ساعات 08:12

پارلامەنتتىڭ دەڭگەيى وسى ما؟!

انەۋكۇنى تەلەديداردان ءبىر دەپۋتات كوكەمىزدىڭ ءسوزىن تىڭدادىم. تىڭدادىم دا تاڭ قالدىم. ايتقان ءسوزى:  «قازىرگى بوس تۇرعان پاتەرلەردى جالعا بەرۋدى دوعارۋ كەرەك» دەدى. سەبەبى، ول مىرزا ۇيىقتاعاندا كورشىلەر جاقتان «ىڭقىل-سىڭقىل» ەستىلىپ، ۇيىقتاي الماي ۇيالادى ەكەن...

ىشتەي قىنجىلدىم. ءبىر اياعى كوردە، ءبىر اياعى جەردەگى ۇلكەن كوكەمىزدىڭ كورشىلەرى شىنىمەن «ۇياتسىز» ەكەن دەپ... كەزىندە سوۆەت وداعىندا «بىزدە سەكس جوق» دەپ ءبىر ايەل الەمدى ءدۇر سىلكىندىرگەن ەدى. سونى كورشىلەر ۇمىتقان-اۋ دەپ قالىڭ ويعا ءتۇستىم.

دەپۋتاتتار – حالىق قالاۋلىلارى ەمەس پە؟ اقىلدى دەپۋتاتتىڭ، ابىز دەپۋتاتتىڭ سوندا ايتپاعى وسى ما؟ اپىر-اي، مەنىڭشە دەپۋتات – قازىرگى ەل تاعدىرىنا، جەر تاعدىرىنا الاڭداماۋشى ما ەدى؟! بولماسا اتىراۋدا قىرىلعان اق سازان بالىقتاردىڭ نەگە ولگەنىن، ارقاداعى اقبوكەندەردىڭ  نە ءۇشىن، نەدەن كوكتەي جۋساپ جاتقانىن، بولماسا نەگە بىزدە قارتتار ءۇيى مەن جەتىمحانالاردىڭ كوبەيىپ بارا جاتقانىن، ايتپەسە نەگە ءبىزدىڭ ەلدەن ءبىر جىلدا 40 مىڭنان استام ءبىلىمدى، وقىعان جاستاردىڭ، ياعني گەنوفوندىمىزدىڭ شەت ەل اسىپ بارا جاتقانىنىڭ سەبەبىن، نەگە ءبىز جەمقورلىقتى جەڭە الماي وتىرعاندىعىمىزدى، نەگە بىزدە سابيلەرىمىزدىڭ پەرىشتە بولىپ اسپانعا ۇشىپ كەتكەنىن، نەگە بىزدە بەيبىت كۇندە «اۋعان سوعىسىنان» دا سوراقى  جول اپاتىنان جۇزدەگەن، مىڭداعان ادامداردىڭ شەيىت بولاتىنىن ، نەگە، نەگە دەپ ماسەلە كوتەرە مە دەسەم، ول كىسى «ىڭقىل-سىڭقىل» ماسەلەسىن كوتەرەدى ەكەن. الدە پارلامەنتتىڭ دەڭگەيى وسى ما دەپ قىنجىلدىم... كۇيزەلدىم...

ەسىمە البەرت ەينشتەين ءتۇستى. ونىڭ ءبىر ءسوزى بار ەدى عوي... «مەنيا پوروجاەت گلۋبينا كوسموسا، نو ەششە بولشە – چەلوۆەچەسكايا گلۋپوست» دەگەنى. تۋرا بىزگە ارناعان سياقتى. ءاي، ەينشتەين... قالاي تاۋىپ ايتقان دەسەڭشى... سمەەم-اۋ...

تالعات تەمەنوۆ، قر حالىق ءارتيسى، پروفەسسور 

Abai.kz

 

46 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3508