وزبەكستان پرەمەر-ءمينيسترى ابدۋللا اريپوۆ ۆيدەوسەلەكتورلىق جينالىس وتكىزىپ، 9 مامىر ەسكە الۋ جانە قۇرمەت كورسەتۋ كۇنى قارساڭىندا قاراماعىنداعىلارعا ارنايى تاپسىرما بەرگەن.

اريپوۆ "فەيسبۋك ارقىلى وزبەكستان تۋىمەن چەللەندج وتكىزىپ، وعان شاحزودا جانە رايحون سەكىلدى انشىلەردى، سپورتشىلاردى، وراتورلار مەن عالىمداردى دا تارتۋدى تاپسىرعان", - دەپ جازادى جەرگىلىكتى باق.

سونىمەن بىرگە اريپوۆ گەورگي لەنتاسىنىڭ ورنىنا وزبەكستان تۋىمەن تۇستەس 100 مىڭ لەنتا جاساپ، تاراتۋدى ۇسىنعان.

وزبەكستاندا گەورگي لەنتاسىنا تىيىم سالۋعا وزبەكستاندىق تاريحشىلاردىڭ رەسەي پاتشالىعىنىڭ وتارلاۋ ساياساتى كەزىندە ەلدەردى باسىپ الۋعا اتسالىسقان گەنەرال، وفيتسەرلەرگە قاسيەتتى گوەرگي وردەنىمەن لەنتا بەرگەن دەگەن ءۋاجى سەبەپ بولعان.

وزبەكستاندا بيىل گەرمان-سوۆەت سوعىسىنداعى جەڭىستىڭ 74 جىلدىعىنا وراي ەكىنشى دۇنيەجۇزىلىك سوعىسقا قاتىسقان ارداگەرلەرگە 7 500 000 سۋم ($900) سىياقى بەرىلمەك. رەسمي مالىمەت بويىنشا، وزبەكستاندا بۇگىندە 878 ارداگەر ءومىر ءسۇرىپ جاتىر.

Abai.kz