جۇما, 29 ناۋرىز 2024
4174 6 پىكىر 26 ءساۋىر, 2019 ساعات 10:30

مەملەكەت باسشىسى كۇلاش ءشامشيدينوۆانى قابىلدادى

قازاقستان پرەزيدەنتى قاسىم-جومارت توقاەۆ ءبىلىم جانە عىلىم ءمينيسترى كۇلاش ءشامشيدينوۆانى قابىلدادى، دەپ حابارلايدى اقوردانىڭ رەسمي سايتى.

مەملەكەت باسشىسىنا ءبىلىم بەرۋدى جانە عىلىمدى دامىتۋ مەملەكەتتىك باعدارلاماسىنىڭ جۇزەگە اسىرىلۋ بارىسى باياندالدى.

قاسىم-جومارت توقاەۆ ءۇش اۋىسىمدا وقىتۋدى جويۋ، جاڭا مەكتەپتەر سالۋ جانە ءۇش تىلدە ءبىلىم بەرۋگە بىرتىندەپ ءوتۋ جۇمىستارىن جالعاستىرۋ ماڭىزدى مىندەت ەكەنىن ايتتى.

ك. ءشامشيدينوۆا تەحنيكالىق جانە كاسىبي ءبىلىم بەرۋ ءىسىنىڭ جاعدايى جانە بيزنەس پەن وقۋ ورىندارىنىڭ اراسىنداعى ءوزارا ءىس-قيمىلداردى جولعا قويۋ شارالارى جونىندە ەسەپ بەردى. كەزدەسۋ بارىسىندا جوعارى ءبىلىمنىڭ ساپاسىن ارتتىرۋعا جانە جوو تۇلەكتەرىنىڭ ەڭبەك نارىعىنداعى سۇرانىسقا ساي بولۋىنا ەرەكشە نازار اۋدارىلدى.

مەملەكەت باسشىسى مەكتەپ مۇعالىمدەرى مەن جوو وقىتۋشىلارىن ارتىق ەسەپ بەرۋلەردەن ارىلتىپ، پەداگوگتاردىڭ مارتەبەسىن كوتەرۋگە، عالىمداردى مەملەكەت تاراپىنان قولداۋعا، ءبىرىنشى كەزەكتە مەملەكەتتىك تىلدە زەرتتەۋلەر جۇرگىزەتىن گۋمانيتارلىق باعىتتاعى عالىمدارعا باسىمدىق بەرۋگە  باعىتتالعان ناقتى  شارالار قابىلداۋدى تاپسىردى.

قازاقستان پرەزيدەنتى كەزدەسۋ سوڭىندا ءبىلىم بەرۋ جۇيەسىنىڭ ماسەلەلەرى بۇدان بىلاي دا ءوزىنىڭ ءجىتى نازارىندا بولاتىنىن ايتتى.

Abai.kz

6 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1584
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2284
عيبىرات

قايسار رۋحتى عازيز جان

مۇحتار قۇل-مۇحاممەد 3622