پاۆلودار قالاسىندا قازاقستان رەسپۋبليكاسى مادەنيەت جانە سپورت مينيسترلىگى ءتىل ساياساتى كوميتەتىنىڭ تاپسىرىسىمەن «شايسۇلتان شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعى» جىلسايىنعى «تۇركى جازبالارى مەن مادەنيەتى كۇندەرى» شاراسى اياسىندا «رۋحاني جاڭعىرۋ جانە تۇركىلىك رۋحانيات» حالىقارالىق عىلىمي-پراكتيكالىق كونفەرەنتسياسىن وتكىزدى.

كونفەرەنتسيا بارىسىندا، ل.ن. گۋميلەۆ اتىنداعى ەۇۋ-ءنىڭ تۇركىتانۋ التاي تانۋ عىلىمي-زەرتتەۋ ورتالىعىنىڭ ديرەكتورى ف.ع.د.، قارجاۋباي سارتقوجاۇلى، قاراعاندى مەديتسينا ۋنيۆەرسيتەتىنىڭ قازاق ءتىلى كافەدراسىنىڭ مەڭگەرۋشىسى، پروفەسسورى، ف.ع.د.،  شاپاعات جالماحانوۆ، تاراز يننوۆاتسيالىق -گۋمانيتارلىق ۋنيۆەرسيتەتىنىڭ پروفەسسورى،  «تۇركىتانۋ جانە ارحەولوگيا» عىلىمي-زەرتتەۋ ورتالىعىنىڭ ديرەكتورى، ف.ع.د.، قاسيەت مولعاجداروۆ، ل.ن. گۋميلەۆ اتىنداعى ەۇۋ-ءنىڭ قازاق ءتىل ءبىلىمى كافەدراسىنىڭ پروفەسسورى، ف.ع.د. بەكجان ءابدۋاليۇلى تۇركى بابالارىمىزدان قالعان كونە تۇركى جازۋىنىڭ ءتۇپ-تامىرى تۋرالى عىلىمي زەرتتەۋلەر جۇرگىزگەن  جۇمىستارىنىڭ ناتيجەلەرىن بايانداپ، ەۋرازيانىڭ ۇلى دالاسىن ورتاق يەلەنىپ، مەكەندەگەن تۇركى حالىقتارىنىڭ ادەت-عۇرپى، سالت-ءداستۇرى، ءومىر ءسۇرۋ داعدىلارى تۋرالى عىلىمي نەگىزدەمەلەر ناتيجەلەرى عىلىمي ورتادا تالدانادى. ۇلتتىق كودتى ساقتاۋعا باعىتتالعان جاڭا الىپبيىگە كوشۋ بارىسىنداعى عىلىمي ىزدەنىستەر بويىنشا عالىمدار پىكىرى ورتاعا سالىندى. عالىمدار تۇركى جازبالارى تاريحى، ونىڭ وركەندەۋى، الەۋمەتتىك-ەكونوميكالىق احۋالعا اسەرى مەن قازاق ءتىلىنىڭ لاتىن الىپبيىنە كوشۋىنە بايلانىستى جاڭا ەملە ەرجەلەرىن ادىستەمەلەرى ، ادىسنامالىق تۇرعىدا اۋقىمدى ويلارىمەن ءبولىستى.

كونفەرەنتسيا جۇمىسىنا ەلىمىزدىڭ بارلىق وڭىرىنەن تۇركى جازبالار مەن جالپى قازاق جازۋىنىڭ دامۋى باعىتىندا عىلىمي زەرتتەۋلەرمەن اينالىسىپ جۇرگەن عالىمدار، جاھاندىق كەزەڭدەگى قازاق ءتىلىنىڭ دامۋىنا ۇلەس قوسىپ جۇرگەن قوعام قايراتكەرلەرى، ءتىل ماماندارى، پاۆلودار وبلىستىق جالپى ءتىل سالاسىنا قىزىعۋشى ازاماتتار قاتىستى. كونفەرەنتسيا ونەر مايتالماندارىنىڭ كوڭىلدى ءان كەشىمەن اياقتالدى.

Abai.kz