مەملەكەت باسشىسى التاي كولگىنوۆتى قابىلدادى
قازاقستان پرەزيدەنتى قاسىم-جومارت توقاەۆ باتىس قازاقستان وبلىسىنىڭ اكىمى التاي كولگىنوۆتى قابىلدادى. بۇل تۋرالى اقوردانىڭ رەسمي سايتى جازدى.
مەملەكەت باسشىسىنا ءوڭىردىڭ نەگىزگى الەۋمەتتىك-ەكونوميكالىق دامۋ كورسەتكىشتەرى مەن تۇرعىنداردىڭ ءومىر ءسۇرۋ ساپاسىن ارتتىرۋعا باعىتتالعان تاپسىرمالاردىڭ ورىندالۋ بارىسى تۋرالى باياندالدى.
قاسىم-جومارت توقاەۆ از قامتىلعان جانە كوپبالالى وتباسىلاردى قولجەتىمدى ءارى ساپالى تۇرعىن ۇيمەن قامتۋ بويىنشا جۇيەلى جۇمىس جۇرگىزۋدىڭ ماڭىزدى ەكەنىن ايتتى. كەزدەسۋ بارىسىندا شالعاي اۋدانداردى اۋىز سۋمەن قامتاماسىز ەتۋ، جول-كولىك ينفراقۇرىلىمىن جاقسارتۋ ماسەلەلەرىنە باسا ءمان بەرىلدى.
پرەزيدەنت باتىس قازاقستان وبلىسى مەن ورال قالاسىن ودان ءارى دامىتۋ جونىندە بىرقاتار ناقتى تاپسىرمالار بەردى.
Abai.kz
