سەيسەنبى, 22 قازان 2019
812 0 پىكىر 28 اقپان, 2019 ساعات 17:54

كاسىپوداقتار فەدەراتسياسى قولعا العان يگى شارا

ءبارىمىز بىلەتىندەي، 27 اقپان استانا قالاسىندا «نۇر وتان» پارتياسىنىڭ كەزەكتى XVIII سەزى ءوتتى. بۇل سەزد پارتيانىڭ 20 جىلدىعىنا وراي ۇيىمداستىرىلدى. سەزدە ەلباسىنىڭ باستاماسىمەن بىرقاتار ماڭىزدى ماسەلەلەرگە بايلانىستى شەشىم قابىلداندى.

ەلدەگى باس پارتيانىڭ باستى جينالىسىندا ەلباسى، پارتيا توراعاسى نۇرسۇلتان نازارباەۆ بىرقاتار ناقتى تاپسىرمالار بەردى. اسىرەسە ەل حالقىنىڭ ەڭسەسىن كوتەرىپ، تۇرمىستىق ورەسىن كوتەرۋ ماقساتىندا العا قويعان ۇسىنىستارى كوپ كوڭىلىنەن شىقتى. اتاپ ايتقاندا، كوپبالالى انالارعا جاعداي جاساۋ ماقساتىندا قولعا الىنعان كوپبالالى وتباسىلاردىڭ جاردەماقىسىن 21 مىڭ تەڭگەگە كوتەرۋدى تاپسىردى.

ەلباسىنىڭ ايتۋىنشا، ەلىمىزدە 340 مىڭنان استام وتباسىندا كەمىندە ءتورت بالا بار. جىل سايىن بالاسى بار وتباسىلاردى قولداۋعا 500 ميلليارد تەڭگە بولىنەدى.

وسى باستاماعا ءۇن قوسۋ اياسىندا قر كاسىپوداقتار فەدەراتسياسى دا كوپبالالى انالارعا كومەك قولىن سوزۋدىڭ جاڭا جۇيەسىن ىسكە قوسىت. قركف توراعاسى ب.ءابدىرايىمنىڭ قاتىسۋىمەن «جاڭاقورعان» شيپاجايىنىڭ باسشىلىعى مەن كاسىپوداعى اراسىنداعى ۇجىمدىق شارتىنا ەڭبەك جانە الەۋمەتتىك قاتىناستارىن رەتتەۋ ماقساتىندا كوپ بالالى انالارعا قولداۋ كورسەتۋگە وزگەرىستەرمەن تولىقتىرۋلار جاسالدى.

اتاپ ايتقاندا كوپ بالالى انالارعا جانە جالعىز باستى انالارعا جىل سايىن قازاقستان رەسپۋبليكاسىنىڭ كاسىپوداقتار كۇنىنە وراي جالاقىنىڭ ەڭ تومەنگى مولشەرىنىڭ ەكى ەسەلەنگەن مولشەرى بەرىلەتىن بولادى. سونىمەن قاتار شيپاجايدىڭ قىزمەتكەرلەرى ءار تۋىلعان بالاسىنا جالاقىنىڭ ەڭ تومەنگى مولشەرى كولەمىندە كومەك الادى.

ب.ءابدىرايىم مىرزانىڭ ايتۋىنشا، جۇمىسشىلاردىڭ ەڭبەك قۇقىعى مەن مۇددەسىن قورعاۋ ماقساتىندا كاسىپوداق ءاردايىم قول ۇشىن بەرۋگە دايىن. بۇعان دەيىن قىزىلوردا جانە تۇركىستان وبلىستارى اكىمدىگىمەن كاسىپوداقتار فەدەراتسياسى اراسىندا ەڭبەكشىلەردىڭ جاعدايىن جاقسارتۋعا باعىتتالعان مەموراندۋمعا قول قويىلعان. بۇل باستاما ءوز جاعاسىن تاباتىنى ءسوزسىز.. الداعى ۋاقىتتا مۇنداي شارالار باسقا دا كاسىپورىنداردا قولعا الىناتىن كورىنەدى.

ايتا كەتەرلىگى، جاڭاقورعان شيپاجايىندا 218 قىزمەتكەر ەڭبەك ەتەدى. ۇجىمداعى كوپ بالالى 50 انا بار بولسا، ونىڭ ىشىندە 9-ى جالعىز باستى انالار. كاسىپورىن ەڭبەككەرلەرى بۇل حاباردى قۋانىشپەن قابىلدادى. بۇنداي يگى شارالار قر كاسىپوداقتار فەدەراتسياسى تاراپىنان ءالى دە جۇزەگە اساتىن بولادى.

Abai.kz 

0 پىكىر