جۇما, 29 ناۋرىز 2024
3190 2 پىكىر 3 ءساۋىر, 2019 ساعات 10:24

الجير پرەزيدەنتى بۋتەفليكا جاپپاي نارازىلىق شارالارىنان كەيىن وتستاۆكاعا كەتتى

الجير پرەزيدەنتى ابدەلازيز بۋتەفليكا سەيسەنبى كۇنى بىرنەشە اپتاعا سوزىلعان نارازىلىق شارالارىنان كەيىن وتستاۆكاعا كەتەتىنىن جاريالادى.

بۇل جونىندە الجير مەملەكەتتىك اگەنتتىكتەرى حابارلادى. الجير ارمياسى باس شتابىنىڭ باسشىسى احمەد گاەد سالاح ونى قىزمەتىنەن كەتىرۋ ءۇشىن تەز ارادا شارا قابىلداۋعا شاقىرعاننان كەيىن، پرەزيدەنتتىڭ ءوزى وتستاۆكاسىن جاريالادى.

اسكەريلەر بۋتەفليكانىڭ ءتورتىنشى ماندات مەرزىمى اياقتالعاننان سوڭ، 28 ساۋىردە كەتەمىن دەگەن مالىمدەمەسىنە قاناعات تۇتپادى. ولار پرەزيدەنتتىڭ تەز ارادا كەتۋىن تالاپ ەتتى.

الجير كونستيتۋتسياسىنا سايكەس، پرەزيدەنت وتستاۆكاسىنان كەيىن، ونىڭ قىزمەتىن پارلامەنتتىڭ جوعارعى پالاتاسىنىڭ سپيكەرى ابدەلكادەر بەنسالاح ۋاقىتشا اتقارادى. پرەزيدەنت سايلاۋى 90 كۇن ىشىندە ءوتۋى ءتيىس.

الجيردە نارازىلىق شاراسى 82 جاستاعى ەل پرەزيدەنتى العان ينسۋلتىنا قاراماستان، بەسىنشى مەرزىمگە سايلاناتىنىن جاريالاعاننان سوڭ باستالدى. جاپپاي دەمونستراتسيالاردان كەيىن، بۋتەفليكا ۇسىنىسىنان باس تارتىپ، سايلۋدى ءساۋىر ايىنا شەگەرگەن. بىراق سوعان قاراماستان نارازىلىق شارالارى جالعاسىپ جاتتى. 30 ناۋرىزدا جۇزدەگەن حالىق الجير كوشەلەرىنە شىعىپ، پرەزيدەنتتىڭ تەز ارادا قىزمەتىنەن كەتۋىن تالاپ ەتتى.

بۋتەفليكا – الجير تاۋەلسىزدىگى ءۇشىن كۇرەسكەن ازاماتتاردىڭ ءبىرى. 1999 جىلدان بەرى ەل باسقارىپ كەلدى.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3606