جۇما, 29 ناۋرىز 2024
انە، كوردىڭ بە؟ 16282 30 پىكىر 21 ناۋرىز, 2019 ساعات 15:31

دەپۋتاتتار دا جىلايدى (فوتو-ءازىل)

كەشەدەن باستاپ تاۋەلسىز قازاقستان تاريحىنداعى ەكىنشى پرەزيدەنت ءوز قىزمەتىنە بىلەك سىبانا كىرىسىپ كەتتى. قاسەكەڭ، قاسىم-جومارت كەمەلۇلى ءوزىنىڭ العاشقى جارلىعىن سول كۇنى-اق، شىعاردى. استانانى نۇر-سۇلتان قالاسى قىلىپ وزگەرتتى. ەلدەگى بۇكىل قالالار مەن وبلىس ورتالىقتارىنىڭ باستى كوشەلەرىنە ءبىرىنشى پرەزيدەنتتىڭ ەسىمىن بەرۋدى تاپسىردى. نۇرەكەڭنىڭ كەۋدەسىنە وردەن تاقتى. «حالىق قاھارمانى» دەگەن اتاقتى بەردى. ءسويتىپ، ارقاسىنان قاعىپ، پارلامەنتتىڭ قوس پالاتاسىنىڭ الدىندا ادەمىلەپ شىعارىپ سالدى.

نۇرەكەڭنىڭ بۇل كەتىسىن كوپشىلىك ەرلىككە بالاپ جاتتى. باسقاسىن قويعاندا، نۇرەكەڭنىڭ وتىز جىلعى ساياسي وپپونەنتتەرىنىڭ ءوزى ەكىۇداي سەزىمدە بولدى. اقوردانىڭ اۋلاسىندا جۇرگەندەردىڭ ەموتسياسىن كەشە كوردىك. نازارباەۆتىڭ تاقتان كەتكەنىنە كوز جاسىن كولدەي قىلعان كەي ازاماتتاردىڭ بەينە جازبالارى الەۋمەتتىك جەلىدە قىزۋ تالقىلانۋدا. ءتۇرلى پىكىرلەر ايتىلۋدا.

راس قوي. وتىز جىل بويى ەلدى باسقارعان نۇرەكەڭنىڭ قاسىندا ءسىز بەن بىزدەن گورى ۇزاقتاۋ جۇرگەندەردىڭ شىن ەموتسياسى دا، بۇل.

كىم ويلاعان، ءبىزدىڭ ساياساتكەرلەردىڭ مۇنشالىقتى سەنتيمەنتالدى بولارىن... كەشە كوردىك. كورگەن كوزىمىزدە جازىق جوق... ءازىل-شىنى ارالاس، از-كەم ءسوز شىعارىپ كورەيىك، ەندەشە...

نۇرەكەڭ ماڭ-ماڭ باسىپ پارلامەنتكە كەلىپ كىردى. قوس پالاتانىڭ «پاتسيەنتتەرى» مەن ۇكىمەتتىڭ «ۇزدىكتەرى» ىنتا-شىنتاسىمەن قوشەمەتتەپ تۇرىپ الدى. اۋەلى نۇرەكەڭنىڭ ءوزى توردەگى تاققا وتىرۋعا ىڭعايسىزدانىپ، وزىنە كورسەتىلىپ جاتقان مۇنداي قۇرمەتكە جۇرەگى جىلاپ سالا بەردى.

بارلىعىنىڭ كوزدەرى مولتىلدەپ، جىلاپ جىبەرۋگە شاق تۇر. قاراڭىزشى، سەناتور بىرعانىم اپانىڭ ەموتسياسىن. ءتىپتى، جىلاپ تا جىبەرگەن ەكەن، انە... بۇرىنعى سەناتور، ەندىگى سپيكەر داريعا اپا شە؟!

بىرعانىم ءايتىموۆا: اح، كاكوي ون بىل مۋجچينوي...

داريعا نۇرسۇتانقىزى: تاك، ءبىر دەگەنىم - سەنات ءتورايىمى، ەكى دەگەنىم...

جو-جوق، بىرعانىم اپانىكى ايەل زاتىنا ءتان سەنيتمەنتاليزم عوي. جىلادى دەپ بەكەڭدى ايتىڭىز. جىلاپ-جىلاپ، ءتىپتى، كوزى ءىسىپ كەتكەن ەكەن.

بەكبولات تىلەۋحان: «كۇندەر وتەدى، جىلدار جەتەدى، ءبارى كەتەدى... وي...باي-وۋ، ويباي-وۋ!» (الاش ۇرانى ءانىنىڭ ماقامىمەن وقۋ كەرەك...)

بەكبولات تىلەۋحان: وتكەندە بەس بالا قايتىس بولعاندا جىلاي الماپ ەم، بۇگىن كوڭىلىم بوساپ تۇر...

ساۋىتبەك ءابدىراحمانوۆ: نۇرەكە، كەتپەڭىزشى...

بەكبولات تىلەۋحان: «بايۋ ءۇشىن، باعىن دا ساتقاندار، تويۋ ءۇشىن تونىن دا ارىن ساتقان. قۇلدانعان ساناسى. ەل مەن جەر بىزگە امانات... الاشتىڭ بالاسى!»

ساۋىتبەك ءابدىراحمانوۆ: وتىنەم، وتىنەم...

ۆلاديمير بوجكو: وي، اكەڭنىڭ، بۇل گيمن ەدى عوي... جۇرەگىم قاي جاقتا ەدى، ءوزى؟.. ا، ايتپاقشى مەندە جۇرەك جوق قوي...

بەردىبەك ساپارباەۆ: ۆلاديمير مىرزا، مىنە، مىنە مەنىڭ جۇرەگىم. تاۋىپ الدىم.  

زاعيپا باليەۆا: ءما، سونشا قول شاپالاقتاعانىمىز ۇيات بولدى-اۋ...

ايدوس ۇكىباي: ەندى مىنا راتسيانىڭ ماعان كەرەگى بولماي قالاتىن شىعار...

ۆلاديسلاۆ كوسارەۆ: ۇيىقتاۋ كەرەك ەدى. مەنىڭ جاسىمدا كوبىرەك دەمالعان دۇرىس دەگەن ۆراچتار...

ۆلاديسلاۆ كوسارەۆ: دا نۋ، ۋجە ءتۇسىرىپ الدىڭدار ما نە؟!

ا سەكتورى – اقساقالدار سەكتورى

ساۋىتبەك ءابدىراحمانوۆ: گۇلەكە، تىلەك جازىپ كەلدىڭ بە؟ كوشىرەيىنشى...

بارلىعى: قوي وتىرعىزىپ-تۇرعىزا بەردى عوي...ارامىزدا شال-كەمپىرلەر كوپ، اياساڭدارشى...

باقىتجان ەرتاەۆ: نە دەگەن كورەگەن شەشىم! استانانى عانا ەمەس، بارلىق قالالاردى نۇر-سۇلتان دەپ اتاساق تا ارتىق ەمەس...

مۇحتار ەرمان: ءاپشۋ، راس ەكەن، انە...

باقىتجان ساعىنتاەۆ: ءمااا، نە بوپ كەتتى ءوزى...

نۇرسۇلتان نازارباەۆ: راحمەت، اينالايىندار...

ايدوس ۇكىباي: 1-2-3 دەگەندە شاپالاق ۇرىلادى...

نازارباەۆ: ني چە...

نىعماتۋلين: پو يدەە، مەنىڭ ورنىم ەدى عوي...

بىرعانىم ءايتىموۆا: نۇرسۇلتان ابيشوۆيچ، ءسىز مەن ءۇشىن ءبارىبىر ءبىرىنشىسىز...

سۇلتانوۆ پەن ۇمبەتوۆ: نۇرەكەۋ، جالىنايىق، كەتپەڭىزشى...ءبىز شە؟ بىرگە باستاپ ەدىك قوي...

احمەت مۋرادوۆ: ايەلىم اعىل-تەگىل جىلادى. بۇل شىندىق.

گۇلميرا يسيمباەۆا: كەشەلى-بەرى تولقۋىمىزدى دا، كوز جاسىمىزدى دا باسا المايمىز...

گۇلجان قاراقۇسوۆا: ول مەنىڭ اكەم سياقتى. ىشىمنەن جىلادىم. مەن ۋجە داۆنو نە پلاچۋ...

ازات پەرۋاشەۆ: ...

قانات بوزىمباەۆ: مەن ەر اداممىن عوي، نەگە جىلايمىن؟..

ارتۋر پلاتونوۆ: نۇرەكە، بۇرىن ءسىزدى سىناعانىمدى كوڭىلىڭىزگە الماڭىزشى... جاستىقپەن جاسالعان ءىس قوي...

ارتۋر پلاتونوۆ: قاسەكە، ەندى ءسىزدى ۆووبششە سىنامايمىن...

كارىم ءماسىموۆ: ويبۋ، مۇرتىم قايدا؟...

ءتۇيىن: جوعارىدا ايتقانىمىزداي، كەيىپكەرلەردىڭ ءماتىنى ءجۇز پايىز شىندىققا جاناسپايدى. بۇل ءبىزدىڭ قيالىمىزداعى اڭگىمە. بالكىم ءتىپتى سول كەيىپكەرلەردىڭ ءوز قيالىنداعى ويلار بولۋى دا عاجاپ ەمەس... كىم ءبىلسىن، مۇنداعى ءاربىر ادام ءوزىنىڭ كەلەشەك كارەراسىن ويلايتىنى وتىرىك ەمەس قوي...

نۇرگەلدى ابدىعانيۇلىنىڭ ءازىلى

Abai.kz

30 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2272
عيبىرات

قايسار رۋحتى عازيز جان

مۇحتار قۇل-مۇحاممەد 3587