قىزىلوردا وبلىسىندا تەمەكى شەگۋگە قارسى كۇرەس ايلىعى ءجۇرىپ جاتىر
قىزىلوردا. 28 مامىر. قازاقپارات /جاڭاگۇل سەردالى/ - قىزىلوردا وبلىسىندا ءبىر ايدان بەرى ءجۇرىپ جاتقان تەمەكىگە قارسى كۇرەس ايلىعى اياقتالىپ كەلەدى.
وسىعان وراي وبلىستىق سالاۋاتتى ءومىر سالتىن قالىپتاستىرۋ ورتالىعىندا «شىلىم شەگۋشىلىكتى شەكتەۋدىڭ وزەكتى ماسەلەلەرى» تاقىرىبىندا قوعامدىق تىڭداۋ وتكىزىلدى.
شاراعا وبلىستىق ىشكى ساياسات، كاسىپكەرلىك جانە ونەركاسىپ، ىشكى ىستەر دەپارتامەنتتەرىنىڭ وكىلدەرى، باسقا دا سالا ماماندارى اتسالىستى. جيىندا ايتىلعانداي، بيىلعى جىلدىڭ باسىنان بەرى وبلىس بويىنشا ءتارتىپ ساقشىلارى 452 ازاماتتى تىيىم سالىنعان جەرلەردە تەمەكى شەككەنى ءۇشىن اكىمشىلىك جاۋاپكەرشىلىككە تارتقان. ولارعا جالپى سوماسى 683424 تەڭگە ايىپپۇل سالىنعان.
ستاتيستيكالىق دەرەكتەرگە سۇيەنسەك، جىل سايىن جەر بەتىندە شىلىم شەگۋدەن 5 ميلليوننان استام ادام قايتىس بولاتىن كورىنەدى. ال جاھاندا تەمەكى شەگەتىندەردىڭ سانى قازىر 1,2 ميلليارد ادامنان اسادى. بۇل ءزارلى ءتۇتىننىڭ ءار تالى ادام ءومىرىن 12 مينۋتقا قىسقارتادى. ويتكەنى، ونىڭ تۇتىنىندە 4000-عا جۋىق حيميالىق زاتتار بار.
اكتسياعا قاتىسۋشىلار وسى جايىندا تارقاتىپ ايتتى. سونىمەن قاتار قازاقستاندا جىل سايىن تەمەكى شەگۋشىلىكتەن پايدا بولعان اۋرۋلاردان 27 مىڭ ادام كوز جۇماتىنى دا جەتكىزىلدى. ءبىر وكىنىشتىسى، ەلىمىزدە ايەلدەر اراسىنداعى تەمەكى شەگۋشىلىك دەڭگەيى 9,8 پايىزدى قۇرايدى ەكەن.
_
قىزىلوردا. 28 مامىر. قازاقپارات /جاڭاگۇل سەردالى/ - قىزىلوردا وبلىسىندا ءبىر ايدان بەرى ءجۇرىپ جاتقان تەمەكىگە قارسى كۇرەس ايلىعى اياقتالىپ كەلەدى.
وسىعان وراي وبلىستىق سالاۋاتتى ءومىر سالتىن قالىپتاستىرۋ ورتالىعىندا «شىلىم شەگۋشىلىكتى شەكتەۋدىڭ وزەكتى ماسەلەلەرى» تاقىرىبىندا قوعامدىق تىڭداۋ وتكىزىلدى.
شاراعا وبلىستىق ىشكى ساياسات، كاسىپكەرلىك جانە ونەركاسىپ، ىشكى ىستەر دەپارتامەنتتەرىنىڭ وكىلدەرى، باسقا دا سالا ماماندارى اتسالىستى. جيىندا ايتىلعانداي، بيىلعى جىلدىڭ باسىنان بەرى وبلىس بويىنشا ءتارتىپ ساقشىلارى 452 ازاماتتى تىيىم سالىنعان جەرلەردە تەمەكى شەككەنى ءۇشىن اكىمشىلىك جاۋاپكەرشىلىككە تارتقان. ولارعا جالپى سوماسى 683424 تەڭگە ايىپپۇل سالىنعان.
ستاتيستيكالىق دەرەكتەرگە سۇيەنسەك، جىل سايىن جەر بەتىندە شىلىم شەگۋدەن 5 ميلليوننان استام ادام قايتىس بولاتىن كورىنەدى. ال جاھاندا تەمەكى شەگەتىندەردىڭ سانى قازىر 1,2 ميلليارد ادامنان اسادى. بۇل ءزارلى ءتۇتىننىڭ ءار تالى ادام ءومىرىن 12 مينۋتقا قىسقارتادى. ويتكەنى، ونىڭ تۇتىنىندە 4000-عا جۋىق حيميالىق زاتتار بار.
اكتسياعا قاتىسۋشىلار وسى جايىندا تارقاتىپ ايتتى. سونىمەن قاتار قازاقستاندا جىل سايىن تەمەكى شەگۋشىلىكتەن پايدا بولعان اۋرۋلاردان 27 مىڭ ادام كوز جۇماتىنى دا جەتكىزىلدى. ءبىر وكىنىشتىسى، ەلىمىزدە ايەلدەر اراسىنداعى تەمەكى شەگۋشىلىك دەڭگەيى 9,8 پايىزدى قۇرايدى ەكەن.
_
