جۇما, 29 ناۋرىز 2024
46 - ءسوز 7167 10 پىكىر 28 اقپان, 2019 ساعات 11:52

قانشا مۇعالىمنىڭ جۇيكەسىنە تيگەن 3 جىل...

نەگىزى جاۋاپكەرشىلىك دەگەن جاقسى ۇعىم بار. مەملەكەتتىك باسقارۋدا بۇل وتە قاجەتتى ۇعىم.

ەسكى ءبىلىم جانە عىلىم ءمينيسترى باسشىلىققا كەلە سالا مەكتەپتەردە پاندەردى اعىلشىن تىلىندە وقىتامىز دەگەن باستاما كوتەرگەنى ەسىمدە. نەگىزى اعىلشىن تىلىنە ەشكىم دە قارسى ەمەس ەدى. بىراق، استانا مەن الماتىدا ىسكە اسۋى مۇمكىن بولسا دا قازاقستاننىڭ رەگيوندارىندا بۇل رەفورمانى تولىق ىسكە اسىرۋ ءۇشىن كەمى 10-15 جىل ۋاقىت پەن ساتىلاپ جەتۋ قاجەت دەگەندى سول كەزدەرى كوپ ازاماتتار جازىپ تا جاتتى.

اعىلشىن تىلىندە ساباق بەرەتىن مۇعالىم مەن بازانىڭ جوقتىعى بارىنە بەلگىلى دۇنيە. ونلاين ودان قالسا جازدىڭ كۇندەرى وفلاين وقىتامىز، ءبارى زىڭ بولادى دەپ ايتقانىنان قايتپادى. مەملەكەتتىك بلوگەرلەر، الەۋمەتتىك جەلىدە بەلسەندى جۋرناليستەر (ونىڭ ىشىندە "بولاشاق" تۇلەكتەرى دە بار) نەشە ءتۇرلى "كەرەمەت باستاما" دەگەن جازبالارىن ءۇستى-ۇستىنە بۇرقىراتىپ جاتتى. مينيسترمەن كەزدەسىپ، كابينەتىندە سەلفيلەتىپ ءبىراز دۇنيەلەر جاسادى. وزدەرى اقىلدى، ء"اي، بۇلارىڭ اسىعىستىق" دەگەندەر اقىماق سەكىلدى بولىپ كورىندى.

كەشە "نۇر وتاننىڭ" جيىنىندا ەلباسى بۇل باستامانىڭ اسىعىستىق بولعانىن، ءبارىن ۋاقىتىمەن اسىقپاي جاساۋ كەرەكتىگىن، جان-جاقتى ساراپتاپ دايىندىقپەن كەلۋ قاجەتتىگىن شەگەلەپ ايتتى. بىزگە وسىنى ءتۇسىنۋ ءۇشىن 3 جىل ۋاقىت كەرەك بولدى ما؟

قانشا مۇعالىمنىڭ الەگىن شىعارىپ، جۇيكەسىنە تيگەن 3 جىل. قانشاما ازاماتتىڭ پايىمدى وي-پىكىرلەرى ەستىلمەگەن 3 جىل.

"نۇر وتاننىڭ" جيىنىن قاراپ وتىرسام الگى "داۆاي دا داۆاي، ەرتەڭ العىلشىن ءتىلى بولا قالسىن" دەگەندەردىڭ ءبىرازى سول باسقوسۋدا ءجۇر.

مينيستر ورنىنان كەتتى. بىراق، كەزىندە نەشە ءتۇرلى اقىلدى پوست جازعاندار ء"اي، كەزىندە سول جازعاندارىمىز، ەلدى اداستىرعان باستامالارىمىز قاتە بولىپتى. اسىعىستىق جاساپپىز" دەپ ءبىر سۇxبات نە ماقالا، الەۋمەتتىك جەلىدە ءبىر كەشىرىم سۇراعان جازبا دا جوق. ەشكىم جاۋاپتى ەمەس! ءوتتى كەتتى! ۋاقىتىندا شۋلاتتى. بۇگىن ۇمىتتى! راxات قوي.

الدە اقشاعا زاكازبەن جازدى ما ەكەن؟..

باۋىرجان سەرىكبايدىڭ facebook پاراقشاسىنان

Abai.kz

10 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1570
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3564