جۇما, 29 ناۋرىز 2024
3655 5 پىكىر 28 اقپان, 2019 ساعات 11:32

اقش قىرعىزستاننىڭ ەكس-پرەزيدەنتى باكيەۆ وتباسى ۇرلاعان اقشانى ەلىنە قايتاردى

اقش-تىڭ ادىلەت مينيسترلىگى قىرعىزستاننىڭ بۇرىنعى پرەزيدەنتى قۇرمانبەك باكيەۆ پەن ونىڭ ۇلى ماكسيمنىڭ ەلدەن زاڭسىز شىعارعان 4,5 ملن دوللارىن ەلىنە قايتارعانىن مالىمدەدى.

اتالعان مەكەمەنىڭ ايتۋىنشا، اقشا قىرعىزستاننىڭ قارجى مينيسترلىگىنىڭ ەسەپ-شوتىنا اۋدارىلعان.

باكيەۆ وتباسىنىڭ جەكە بانكيرى ەۆگەني گۋرەۆيچكە قارسى قوزعالعان قىلمىستىق ءىس ناتيجەسىندە، 6 ملن دوللاردىڭ شەتەلگە شىعارىلعانى انىقتالعان. اقش ازىرگە ونىڭ تەك 4,5 ملن دوللارىن قىرعىزستانعا قايتاردى.

بۇل قاراجاتتى قىرعىز ۇكىمەتى حالىقتىڭ الەۋمەتتىك جاعدايىن جاقسارتۋعا، اتاپ ايتقاندا اۋىلداردى تازا سۋمەن قامتاماسىز ەتۋگە، زاماناۋي مەديتسينالىق قۇرىلعىلار ساتىپ الۋعا جانە كوررۋپتسياعا قارسى كۇرەسكە جۇمساماق.

اقش مەن قىرعىزستان ۇكىمەتى اراسىندا ەندى قالعان قارجىنى قايتارۋ جونىندە كەلىسسوز ءجۇرىپ جاتقانى حابارلاندى.

Abai.kz

5 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3592