مەملەكەت باسشىسىنىڭ جارلىعىمەن ەرۇلان جاماۋباەۆ قر پرەزيدەنتىنىڭ كومەكشىسى بولىپ تاعايىندالدى.

مەملەكەت باسشىسىنىڭ باسقا جارلىعىمەن تيمۋر جاقسىلىقوۆ باسقا جۇمىسقا اۋىسۋىنا بايلانىستى قر پرەزيدەنتىنىڭ كومەكشىسى قىزمەتىنەن بوساتىلدى.

سونداي-اق، مەملەكەت باسشىسىنىڭ جارلىعىمەن ەرۇلان جاماۋباەۆ باسقا قىزمەتكە اۋىسۋىنا بايلانىستى قر پرەزيدەنتى اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمىنىڭ مەڭگەرۋشىسى قىزمەتىنەن بوساتىلدى.

ەرۇلان جاماۋباەۆ 1974 جىلى تۋعان. 1995 جىلى قازاق مەملەكەتتىك باسقارۋ اكادەمياسىن «قارجى جانە نەسيە» ماماندىعى بويىنشا ءبىتىردى. 2009 جىلى ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىنىڭ حالىقارالىق بيزنەس مەكتەبىندە «ستراتەگيالىق مەنەدجمەنت» ماماندىعى بويىنشا ىسكەرلىك اكىمشىلىك ماگيسترى اكادەميالىق دارەجەسىن الدى.

1996-1998 جىلدارى — تاعىلىمگەر وقىتۋشى، قازاق مەملەكەتتىك باسقارۋ اكادەمياسىنىڭ وقىتۋشىسى.

1998-2006 جىلدارى — قر ۇلتتىق بانكىنىڭ جەتەكشى تالداۋشىسى، باس تالداۋشىسى، باس تالداۋشى-ساراپشىسى، ءبولىم باستىعى، زەرتتەۋ جانە ستاتيستيكا دەپارتامەنتى ديرەكتورىنىڭ ورىنباسارى قىزمەتتەرىن اتقارعان.

2006-2014 جج. قر ۇلتتىق بانكىنىڭ ۇيلەستىرۋ دەپارتامەنتىنىڭ ديرەكتورى قىزمەتىن اتقاردى.

2014 جىلدان 2015 جىلعا دەيىن «قازاقستاننىڭ تۇرعىن ءۇي قۇرىلىس بانكى» اق باسقارۋشى ديرەكتورى بولدى.

2015 جىلدىڭ شىلدە-قاراشا ايلارىندا — قر پرەزيدەنتى اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمىنىڭ مەڭگەرۋشىسىنىڭ ورىنباسارى قىزمەتىن اتقاردى.

2015 جىلدان 2018 جىلعا دەيىن — قر پرەزيدەنتى اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمىنىڭ مەڭگەرۋشىسى بولدى.

Abai.kz