بەيسەنبى, 28 ناۋرىز 2024
4228 3 پىكىر 30 قاراشا, 2018 ساعات 10:36

گرۋزيانىڭ جاڭادان سايلانعان پرەزيدەنتى رەسەيدى ادام ۇرلاۋمەن ايىپتادى

گرۋزيانىڭ جاڭادان سايلانعان پرەزيدەنتى سالومە زۋرابيشۆيلي گرۋزياعا جانە ۋكرايناعا قارسى اگرەسسياسى ءۇشىن رەسەيمەن ارىپتەستىك ورناتۋ مۇمكىندىگىنە كۇمان كەلتىرەدى. بۇل جونىندە BBC تەلەارناسىنا بەرگەن سۇقباتىندا مالىمدەدى.

زۋرابيشۆيلي رەسەيدى گرۋزيا تەرريتورياسىنا بىرتىندەپ ەنىپ، "وككۋپاتسيا سىزىعىنداعى" ازاماتتاردى ۇرلادى دەپ ايىپتادى. ول مويىندالماعان وڭتۇستىك وسەتيا رەسپۋبليكاسىمەن شەكارانى وسىلاي اتادى. گرۋزيا ليدەرى ەلىنىڭ ەۋروپالىق باعىتتى ۇستاناتىنىن، ەۋروپاعا قاراي بوي تۇزەيتىنىن جەتكىزدى.

گرۋزيا بيلىگى رەسەيدى وڭتۇستىك وسەتيامەن شەكتەسەتىن ايماقتا ازاماتتاردى تۇتقىنداپ جاتىر دەپ بىرنەشە مارتە ايىپتاپ كەلگەن. ماسكەۋ بولسا، بۇل ايماقتى تاۋەلسىز مەملەكەت دەپ مويىنداپ، 4 مىڭ اسكەرىن ورنالاستىرعان. رەسەيدەن باسقا وڭتۇستىك وسەتيانى دەربەس ەل دەپ بەس مەملەكەت مويىنداعان. ابحازيا سەكىلدى وڭتۇستىك وسەتيا 2008 جىلى رەسەيلىك اسكەردىڭ قاتىسۋىمەن بولعان كيكىلجىڭدە گرۋزيادان ءبولىنىپ شىققان. رەسەي بولسا، ءوزىنىڭ ارەكەتىن بىتىمگەرشىلىك وپەراتسياسى دەپ اتاعان.

پرەزيدەنت سايلاۋىندا زۋرابيۆشيلي قارسىلاسى گريگول ۆاشادزەدەن 20 پايىز داۋىسپەن وزىق بولدى. گرۋزيا تاريحىندا ءبىرىنشى رەت ايەل پرەزيدەنت اتانعان ول سايلاۋداعى جەڭىسىن "ەۋروپا جەڭىسى" دەپ اتادى. ەلدىڭ بۇرىنعى پرەزيدەنتى ميحايل سااكاشۆيلي جاقتاعان ۇمىتكەر ۆاشادزە سايلاۋ قورىتىندىسىن مويىندامادى. ول بيلىكتى سايلاۋشىلارعا قىسىم جاسادى، سايلاۋ ناتيجەسىن بۇرمالادى دەپ ايىپتادى. ونىڭ سوزىنشە، "گرۋزين ارمانى"جەڭىس ءۇشىن، قىلمىس الەمىمەن كەلىسىمگە كەلگەن. وپپوزيتسيالىق ۇمىتكەردىڭ جاقتاستارى تبيليسيدە ميتينگكە شىقپاق.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3530