جۇما, 29 ناۋرىز 2024
3276 1 پىكىر 28 قاراشا, 2018 ساعات 11:03

ترامپ پۋتينمەن ارگەنتينادا كەلىسسوز جۇرگىزەدى

اق ءۇي اقش پرەزيدەنتى دونالد ترامپ الداعى جۇما جانە سەنبىدە ارگەنتينادا وتەتىن G 20 (ۇلكەن جيىرمالىق) سامميتىندە رەسەي باسشىسى ۆلاديمير پۋتينمەن كەزدەسەتىنىن راستادى.

سەيسەنبى كۇنى اقش پرەزيدەنتىنىڭ ۇلتتىق قاۋىپسىزدىك جونىندەگى كەڭەسشىسى دجون بولتون حابارلاعانداي، ترامپ پەن پۋتين بيىل شىلدە ايىندا حەلسينكيدە كەزدەسكەندە باستاعان كەلىسسوزدەرىن جالعاستىرادى. بولتوننىڭ سوزىنشە، ترامپ رەسەي پرەزيدەنتىمەن "قاۋىپسىزدىك، ايماقتىق جانە قارۋعا باقىلاۋ جاساۋ ماسەلەلەرىن تالقىلاماق". ناقتىراق ايتقاندا ۋكراينا مەن تاياۋ شىعىستاعى جاعدايدى تالقىلايدى.

ترامپ رەسەيدىڭ كەرچ بۇعازىندا ۋكراينانىڭ كەمەلەرىن باسىپ العانى جونىندە كوتەرەدى مە دەگەن سۇراققا، بولتون اق ءۇيدىڭ ۇستانىمىن دۇيسەنبى كۇنى بۇۇ-داعى اقش وكىلى نيككي حەيلي جەتكىزدى دەدى. ول رەسەيدىڭ ارەكەتىن سىنعا العان بولاتىن.

اق ءۇي ءباسپاسوز حاتشىسى سارا ساندەرس، ترامپ پۋتيننەن باسقا گەرمانيا كانتسلەرى انگەلا مەركەلمەن، جاپونيا پرەمەر-ءمينيسترى سيندزو ابەمەن جانە قىتاي توراعاسى سي تسزينپينمەن كەزدەسۋدى جوسپارلاپ وتىرعانىن ايتتى.

الەمنىڭ ەكونوميكالىق جاعىنان دامىعان جيىر ەلدىڭ ۇلكەن ءسامميتى 30 قاراشا - 1 جەلتوقسان ارالىعىندا ارگەنتينادا وتەدى.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1584
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2284
عيبىرات

قايسار رۋحتى عازيز جان

مۇحتار قۇل-مۇحاممەد 3621