بەيسەنبى, 23 قاڭتار 2020
ساڭلاق 1869 1 پىكىر 30 تامىز, 2018 ساعات 14:01

گولوۆكين - الۆارەس جەكپە-جەگىن «Qazaqstan» تەلەارناسى تىكەلەي ەفيردە كورسەتەدى

ورتا سالماقتا WBC, WBA (Super) جانە IBO تۇجىرىمدارى بويىنشا الەم چەمپيونى گەننادي گولوۆكين (38-0-1, 34 كو) مەن مەكسيكالىق ساۋل الۆارەس (49-1-2, 34 كو) اراسىنداعى ەكىنشى جەكپە-جەكتى ەلىمىز جانكۇيەرلەرى وتاندىق تەلەارنالاردان تىكەلەي ەفيردە تاماشالاي الاتىن بولدى.

اتالعان جەكپە-جەكتى قازاقستاندىقتار «Qazaqstan» جانە «Qazsport» تەلەارنالارىنىڭ تىكەلەي ەفيرىندە كورە الادى. بۇل تۋرالى «قازاقستان» رترك» اق باسقارما توراعاسى ەرلان قارين ءوزىنىڭ facebook جەلىسىندەگى پاراقشاسىندا مالىمدەدى.

"سىزدەرمەن تاعى دا ءبىر جاقسى جاڭالىقپەن بولىسكىمىز كەلىپ وتىر. بىرنەشە اپتا بويى جۇرگىزىلگەن كەلىسسوزدەردىڭ ناتيجەسىندە، بۇگىن تۇندە امەريكاندىق ارىپتەستەرىمىزبەن ناقتى كەلىسىمگە كەلىپ، قازاقستاندىقتاردىڭ كوپتەن كۇتىپ وتىرعان گەنادي گولوۆكيننىڭ كەزەكتى جەكپە-جەگىن «Qazaqstan» جانە «Qazsport» تەلەارنالارى ارقىلى تىكەلەي ترانسلياتسيا جاساۋعا قول جەتكىزدىك. بۇل كەلىسسوزدەر ۇزاققا سوزىلدى، دەگەنمەن دە ارىپتەستەرىمىزبەن قالىپتاسقان جاقسى بايلانىستاردىڭ ناتيجەسىندە كەلىسسوزدەر ۋاقىتىلى اياقتالىپ، الداعى ترانسلياتسيانىڭ نەگىزگى شارتتارى مەن تەحنيكالىق پارامەترلەرى ەكى جاقتى قاراستىرىلىپ شەشىمىن تاپتى",- دەپ جازدى ەرلان قارين.

ەستەرىڭىزگە سالا كەتەيىك، گولوۆكين مەن «كانەلو» اراسىنداعى ەكىنشى كەزدەسۋ 15 قىركۇيەكتە لاس-ۆەگاستاعى T-Mobile Arena-دا وتەدى. بۇل استانا ۋاقىتىمەن 16 قىركۇيەك تاڭەرتەڭگە تۋرا كەلەدى.

Abai.kz

1 پىكىر