جۇما, 29 ناۋرىز 2024
3553 0 پىكىر 28 تامىز, 2018 ساعات 10:28

تاجىكتەر تالىبتەرگە اۋەدەن سوققى جاسادى

تاحار اۋعان ءۋالاياتىنىڭ بيلىگى تاجىك اۋە كۇشى دارگاد ۋەزىندەگى تالىبتەرگە سوققى بەردى دەپ مالىمدەدى. اۋە سوققىسىنان التى سودىر قازا تاۋىپ، توعىزى جارالانعان. بۇل جونىندە اۋعان اقپارات قۇرالدارى حابارلادى.

تاجىك تارابى ازىرگە بۇل اقپاراتتى راستاماي وتىر. تاجىك شەكارا قىزمەتىندەگى دەرەككوز دە "ەشقانداي كوممەنتاريسىز" دەپ جاۋاپ بەرگەن. اۋە سوققى تالىبتەردىڭ تاجىك-اۋعان شەكاراسى ماڭىنداعى فارحور تۇرعىندارىنا شابۋىل جاساعاننان كەيىنگى جاۋابى بولۋى مۇمكىن. سودىرلار كالاشنيكوۆ پۋلەمەتىمەن "نيۆا" كولىگىندەگى ءۇش ادامعا شابۋىل جاساعان. ەكەۋى قازا تاۋىپ، ءبىرى جارالانعان.

تاحار ءۋالاياتى پوليتسياسىنىڭ ءباسپاسوز حاتشىسى حاليل اسير "كۋحناحونا" ورماندى ولكەسىندەگى تالىبتەرگە اۋە سوققى 27 تامىزعا قاراعان ءتۇنى جانە تاڭەرتەڭ بەرىلدى دەيدى. ونىڭ اقپاراتى بويىنشا، 8 ادام قازا تاۋىپ، التاۋى جارالانعان. "بۇل ورماندى ولكەدە تالىبتەر ەسىرتكى كونترابانداسىمەن اينالىساتىندارمەن بىرلەسىپ، لاگەرىن قۇرعان. وندا بەيبىت تۇرعىندار جوق", - دەيدى حاليل اسير.

ء"تاليبان" قوزعالىسىنىڭ ءباسپاسوز حاتشىسى زابەۋللا مۋدجاحيد داركاد ۋەزىنە شابۋىل جاسالعانىن راستادى. ء"بىز بۇل جاعدايدى تەكسەرىپ جاتىرمىز. ءتاليبان مۇشەلەرى شەكاراداعى ەلدى-مەكەن تۇرعىندارىنا شابۋىل جاساۋعا ءتيىستى ەمەس ەدى",- دەدى زابەۋللا مۋدجاحيد.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1572
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2267
عيبىرات

قايسار رۋحتى عازيز جان

مۇحتار قۇل-مۇحاممەد 3568