بەيسەنبى, 28 ناۋرىز 2024
2822 0 پىكىر 28 تامىز, 2018 ساعات 10:11

الماتىدا 22 مىڭنان اساتىن ستۋدەنت جاتاقحانانى قاجەت ەتەدى

الماتى قالاسىنىڭ اكىمى باۋىرجان بايبەك كۇندەلىكتى جۇمىس ساپارى بارىسىندا قالاداعى ستۋدەنت جاستارعا ارنالعان جاڭا جاتاقحانالاردىڭ قۇرىلىسىنىڭ قارقىنىن تەكسەرىپ شىقتى. بۇل تۋرالى قالا اكىمدىگىنىڭ ءباسپاسوز قىزمەتى حابارلادى.

بيىلعى جىلى كوكتەمدە ەلباسى نۇرسۇلتان نازارباەۆ «بەس الەۋمەتتىك باستامانى» اتاي وتىرىپ، ستۋدەنتتەرگە ارنالعان جاتاقحانانىڭ جەتىسپەۋشىلىك ماسەلەسىن شەشۋدى تاپسىرعان بولاتىن. ءوز كەزەگىندە، ەلىمىزدەگى بارلىق جوعارعى وقۋ ورىندارىنىڭ ۇشتەن ءبىرى ورنالاسقان الماتىدا 22 مىڭنان اساتىن ستۋدەنت جاتاقحانانى قاجەت ەتەدى ەكەن.

بۇل ءۇشىن، سوڭعى ءۇش جىلدا قالامىزدا 37 جاڭا جاتاقحانا سالۋدى جوسپارلاپ وتىر. بۇگىندە جەتى جاتاقحانانىڭ قۇرىلىسى ءجۇرىپ جاتىر، تورتەۋى اعىمداعى جىلدىڭ اياعىنا دەيىن پايدالانۋعا بەرىلمەك.

تاعى 12 جوعارعى وقۋ ورنىندا 4,8 مىڭ ورىندىق جاتاقحانا قۇرىلىسى ءۇشىن ۋچاسكەنى انىقتاپ قويدى. سونداي-اق، قالادا 19 جاتاقحانا سالۋ ءۇشىن جەر بەرىلىپ وتىر.

باۋىرجان بايبەك جۇمىس ساپارى بارىسىندا بوستاندىق اۋدانىندا سالىنعان 400 ورىندىق التى قاباتتى جاڭا جاتاقحانانى كورىپ شىقتى. بۇگىنگى كۇنى مۇندا تۇرعىن جانە تۇرمىستىق بولمەلەردى جيھازبەن جابدىقتاۋ جۇمىستارى جۇرگىزىلۋدە. قازاقستان ينجەنەرلىك-تەحنولوگيالىق ۋنيۆەرسيتەتى مەكەمەنىڭ ەنگىزىلۋىمەن قالا سىرتىنداعى ستۋدەنتتەرگە ارنالعان تۇرعىن ۇيگە قاجەتتىلىكتى تولىعىمەن قامتاماسىز ەتەدى.

سونىمەن قاتار، اسفەندياروۆ اتىنداعى قازۇمۋ جانىنداعى 600 ورىندىق توعىز قاباتتى جاتاقحانا قۇرىلىسى اياقتالۋدا. قازىرگى ۋاقىتتا الاڭى 11 مىڭ شارشى بولاتىن عيماراتتىڭ ىشكى ارلەۋ جانە ءتيىستى اۋماقتاردى كورىكتەندىرۋ جۇمىستارى جۇرگىزىلۋدە.

اتاپ ايتساق، «پرەزيدەنتتىڭ بەس الەۋمەتتىك باستاماسىن» جۇزەگە اسىرۋ اياسىندا بيىلعى جىلى «الماتى جاستارى» باعدارلاماسى جالعاسۋدا. جاس وتباسىلارعا جەكە تۇرعىن ءۇي ساتىپ الۋعا مۇمكىندىك بەرۋ ماقساتىندا باستاپقى تولەمسىز 5% مولشەرلەمەمەن 2 ملرد. تەڭگە ءبولىندى.

قالالىق بيلىكتىڭ جۇمىسىنىڭ باسىمدىقتارىنىڭ ءبىرى قولجەتىمدى تۇرعىن ءۇي قۇرىلىسى بولىپ تابىلادى. سوڭعى جىلى الماتىدا تۇرعىن ءۇي قۇرىلىسىنىڭ قارقىنى 4 ەسەگە ءوستى، ال ءار ءۇشىنشى كەزەكتەگىلەر پاتەر الدى. 1,9 ملن. شارشى مەتر تۇرعىن ءۇي نەمەسە 16,5 مىڭ جاڭا پاتەرلەر سالىندى. جاقىن ارادا تاعى 1,5 ملن. شارشى مەتر تۇرعىن ءۇي نەمەسە 17 مىڭنان اسا پاتەرلەر سالىناتىن بولادى.

ەلباسىنىڭ تاپسىرماسى بويىنشا 2016 جىلدان بەرى بيۋدجەت ەسەبىنەن بالا باقشالاردىڭ تولەم باعاسى 2,5 ەسە تومەندەدى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3512