بەيسەنبى, 21 قاراشا 2019
كۇبىرتكە 2470 12 پىكىر 27 تامىز, 2018 ساعات 10:12

كىم يماندى؟

تاجىكتەر "قاجىلىققا" دەپ تىرنەكتەپ جيعان اقشالارىن ەلى مەن مەملەكەتىنىڭ مۇقتاجىنا جۇمساي باستاپتى.

مىسالى، زەينەتكەر ءتۇرسىنبيبى وديبوەۆا قاجىلىققا دەپ جيناعان 4 مىڭ دوللارىن كورشىلەس اۋىلمەن بايلانىستىراتىن كوپىر سالۋعا جۇمساسا، سوعدى وبلىسىندا 6 تۇرعىن اقشالارىن جول جوندەۋگە، كوپىر قۇرىلىسىنا جىبەرگەن. سونداي-اق مەتكى اۋدانىندا دا 2 ازامات كەنەتتەن قاجىلىققا بارۋدان باس تارتىپ، 10 مىڭ دوللاردى مەتكى مەن حۋشەكات ارالىعىن بايلانىستىراتىن كوپىر تۇرعىزدى. ميرزو شاريپوۆ اتتى كىسى 3 مىڭ دوللاردى جەرگىلىكتى مولالاردى قالپىنا كەلتىرسە، سافي حاسانوۆا 159 مىڭ دوللاردى جاعدايى وتە ناشار دەگەن حالىققا ۇلەستىرىپتى. ال كەيبىرى مۇگەدەكتەرگە ارناپ ارنايى كوپ قاباتتى ءۇي تۇرعىزعان. ارقار.كز سولاي جازدى.

...وتكەندە ايگۇل حانىم "قازاقتاردىڭ "قاجىلىققا" دەپ جىل سايىن قانشاما دوللاردى ساۋد ارابى مەملەكەتى ەكونوميكاسى مەن شەيحتار قورجىنىنا قۇيىپ جاتقانىن ەسەپتەپ بەرىپ ەدى...

سوندا مەن قازاقتىڭ "توي - توقتىقتا" دەيتىن ءسوزىن ەسكە العام دا قويعام...

الايدا، بۇگىن تاجىكتەردىڭ تىرلىگىنە ريزا بولىپ، باسقا ويعا كەلىپ وتىرمىن:
- تاجىكتەردىڭ قاجىلىقتان - مەيلى، مۇمكىن، ۋاقىتشا بولسا دا - باس تارتا باستاۋلارى - ولاردىڭ ساناسىندا ەلدىك سانانىڭ، تاۋەلسىزدىك قۇنىنىڭ، مەملەكەتتىك ورتاق ءۇيدىڭ ىرگەتاسىن نىعايتۋدىڭ قاجەتتىگى تۋرالى ۇستانىم ويانىپ، ولار جەكە باس قاجەعتتىگى - قاجىلىقتى كەيىنگە ىسىرىپتى...
سونىمەن، وسى جەردە:
"قاجىلىقتان ەلى مەن مەملەكەتىنىڭ مۇددەسىنە بولا باس تارتقان مىنا تاجىكتەردىڭ يمانى كەمىدى مە؟" -
- دەگەن سۇراق قويالىق...

ونىمەن بىرگە:
- "جاپپاي، تالاسا-تارماسا قاجىلىققا ۇمتىلعان قازاقتاردىڭ يماندىلىعى ارتىپ كەتتى مە؟" - دەگەن سۇراقتى دا ۇمىتپايىق...

ءابدىراشيت باكىرۇلى

Abai.kz

12 پىكىر