بەيسەنبى, 28 ناۋرىز 2024
ساياسات 8667 4 پىكىر 17 تامىز, 2018 ساعات 10:48

قۋاندىق بيشىمباەۆ باسقا تۇرمەگە اۋىستىرىلدى

ەلىمىزدىڭ بۇرىنعى ەكونوميكا ءمينيسترى، مەملەكەتتىڭ ميلليونداعان قاراجاتىن جىمقىرعانى ءۇشىن سوتتالعان قۋاندىق بيشىمباەۆ باسقا تۇرمەگە اۋىستىرىلدى، دەپ حابارلايدى اباي-اقپارات "ەۆرازيا" ءبىرىنشى ارناسىنا سىلتەمە جاساپ.

باق مالىمەتىنە سۇيەنسەك، بيشىمباەۆ استانادان لەنگەر قالاسىنىڭ كولونياسىنا اۋىستىرىلعان، قالا شىمكەنتتەن 35 كيلومەتر قاشىقتىقتا ورنالاسقان.

قاماۋعا الىنعان ەسكى ورىننان جاڭاسىنا دەيىنگى ءبىر جارىم مىڭ شاقىرىم قاشىقتىقتى ەكس-مينيستر سەنىمدى كۇزەتپەن بىرگە وتكەن. بيشىمباەۆتى كوشىرۋ كەزىندە ۇلتتىق ۇلاننىڭ كەم دەگەندە ون ساربازى الىپ جۇرگەن.

"مەكەمە ماكسيمالدى قاۋىپسىز بولىپ تابىلادى، ياعني قاتاڭ ءتارتىپتى، ەڭ كوپ دەگەندە 500 ادامدى وتىرعىزۋعا بولادى. عيمارات سوناۋ 1976 جىلى قولدانىسقا بەرىلگەن", — دەپ مالىمەت بەردى ءىىم قىلمىستىق-اتقارۋ جۇيەسى كوميتەتى ءباسپاسوز قىزمەتىنىڭ وكىلى عالىمجان حاسەنوۆ.

بيشىمباەۆ جازاسىن وتەيتىن جاڭا ورىن - جەمقورلارمەن قوسا زورلىقشىلار جانە ادام ولتىرگەن قاۋىپتى قىلمىسكەرلەر وتىراتىن قاتاڭ رەجيمدەگى كولونيا ەكەنى بەلگىلى بولدى.

ەستەرىڭىزگە سالا كەتسەك، استانانىڭ اپەللياتسيالىق سوتى مامىر ايىنىڭ سوڭىندا بۇرىنعى ۇلتتىق ەكونوميكا ءمينيسترى بيشىمباەۆتىڭ ۇكىمىن وزگەرىسسىز قالدىردى. ول 2018 جىلدىڭ ناۋرىزىندا ەكى ميلليون دوللار پارا العانى ءۇشىن ون جىلعا باس بوستاندىعىنان ايىرىلدى.

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3525