جۇما, 29 ناۋرىز 2024
3206 0 پىكىر 1 تامىز, 2018 ساعات 17:33

ترامپ شتابىنىڭ ەكس-باسشىسى پول مانافورت سالىقتان جالتاردى دەپ ايىپتالىپ جاتىر

اقش پرەزيدەنتى دونالد ترامپتىڭ سايلاۋالدى شتابىنىڭ بۇرىنعى باسشىسى، امەريكالىق لوببيست پول مانافورت سالىقتان جالتاردى دەپ ايىپتالىپ جاتىر.

پروكۋرور ۋزو اسونە مانافورت ءوزىن زاڭنان بيىك قويىپ، ونداعان ميلليون دوللاردى وفشور ارقىلى كولەڭكەدەن شىعاردى دەپ مالىمدەدى. ول بۇل اقشانى ءسان-سالتاناتقا شاشىپ، اتاپ ايتقاندا 21 مىڭ دوللارعا ساعات نەمەسە 15 مىڭ دوللارعا تۇيەقۇستان كوستيۋم ساتىپ العان دەيدى.

مەملەكەتتىك ايىپتاۋشى مانافورتتى ۋكرايناداعى جۇمىسى ءۇشىن 60 ميلليون دوللار الىپ، بىراق سالىقتان جالتارىپ، اقشانى وفشورلى ەسەپشوتقا جاسىردى دەپ ايىپتاپ وتىر.

مانافورتتىڭ قورعاۋشىلارى بولسا، ونىڭ ەڭبەكاقىسىن وفشورلار ارقىلى تولەۋدى ۋكرايندىقتار شەشكەن دەيدى. ولار ءوزىنىڭ قورعاۋىنداعى مانافورتتى تابىستى، جوعارى اقى الاتىن لوببيست جانە كەڭەسشى ەكەنىن العا تارتادى.

سوت وتىرىسى كەزىندە سۋديا پروكۋروردىڭ سوزدەرىن ءبولىپ، مۋلتيميلليونەر بولىپ، اقشاسىن ءسان-سالتاناتقا جۇمساۋ قىلمىسقا جاتپايدى دەپ ەسكەرتتى. سوت وتىرىسى بارىسىندا پروكۋرورلار مانافورتتىڭ ترامپ كومانداسىندا جۇمىس ىستەگەنىن نەمەسە امەريكالىق سايلاۋعا رەسەيدىڭ قاتىسى بولۋى مۇمكىندىگى جايىندا مۇلدەم ەسكە سالمادى.

قۇراما شتاتتار مانافورتقا قاتىستى بىرقاتار ايىپتار تاققان. سونىڭ ىشىندە رەسەيشىل ۆيكتور يانۋكوۆيچ ۇكىمەتىندە جۇمىس ىستەگەن ۋاقىتىندا قۇراما شتاتتار بيلىگىن الداۋ ماقساتىندا "شەتەلدىك اگەنت" رەتىندە تىركەلمەگەنى ايتىلادى. بىراق بىردە ءبىر ايىپتار 2016 جىلى اقش-تا وتكەن پرەزيدەنت سايلاۋىنا رەسەيدىڭ ارالاسۋى مۇمكىندىگىنە قاتىسى جوق.

بىراق سوعان قاراماستان ارنايى پروكۋرور روبەرت ميۋللەر جۇرگىزىپ جاتقان تەرگەۋ ىسىندە مانافورت اقش سايلاۋىنا رەسەيدىڭ ارالاسۋى مۇمكىندىگى بويىنشا باستى فيگۋرانت. ماۋسىم ايىندا سوت مانافورتتى قاماۋعا العان. ترامپ وعان قاتىستى تەرگەۋ ءىسىن "مىستاننىڭ ىزىنە ءتۇسۋ" دەپ اتاعان.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1574
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3576