بەيسەنبى, 28 ناۋرىز 2024
قوعام 4754 0 پىكىر 10 شىلدە, 2018 ساعات 18:21

قازىرگى زامانعى قازاق ادەبيەتىنىڭ اعىلشىن تىلىندەگى انتولوگياسى جارىق كورمەك

«رۋحاني جاڭعىرۋ» باعدارلاماسىن ىسكە اسىرۋ جونىندەگى ۇلتتىق كوميسسيا مەن كەمبريدج ۋنيۆەرسيتەتى باسپاحاناسى اراسىندا ىنتىماقتاستىق جونىندە مەمورۋندامعا قول قويىلد، - دەپ حابارلايدى اباي-اقپارات ۇلت پورتالىنا سىلتەمە جاساپ.

كەمبريدجدە (ۇلىبريتانيا) وتكەن كەلىسىم بويىنشا ۇلىبريتانيالىق باسپاحانا قازىرگى زامانعى قازاق ادەبيەتىنىڭ اعىلشىن تىلىندەگى انتولوگياسىن اۋدارۋ، باسىپ شىعارۋ مەن تاراتۋ جۇمىسىن قولعا الاتىن بولدى.

بەلگىلى بولعانداي، قازىرگى زامانعى قازاق ادەبيەتى ۇلگىسىنىڭ جيناعىن بۇۇ-نىڭ التى تىلىنە اۋدارۋ جۇمىسى «جاھاندىق الەمدەگى قازىرگى قازاقستاندىق مادەنيەت» جوباسى اياسىندا جۇزەگە اسىرىلۋدا. جوبا - قازاقستان پرەزيدەنتى نۇرسۇلتان نازارباەۆتىڭ «رۋحاني جاڭعىرۋ» باعدارلاماسىنىڭ ماڭىزدى ءبىر بولىگى.

«جاھاندىق الەمدەگى قازىرگى قازاقستاندىق مادەنيەت» جوباسىنىڭ ماقساتى - قازاقستان تاۋەلسىزدىك العاننان بەرگى ءبىزدىڭ ادەبيەتتىڭ، مۋزىكا جانە بەينەلەۋ ونەرىنىڭ، حورەوگرافيا، كينو مەن تەاتردىڭ جەتىستىكتەرىن الەمگە پاش ەتۋ بولىپ تابىلادى. قازاقستاندىق تاراپتان مەموراندۋمعا «رۋحاني جاڭعىرۋ» باعدارلاماسىن ىسكە اسىرۋ جونىندەگى ۇلتتىق كوميسسيانىڭ حاتشىسى ايدا بالاەۆا قول قويدى.

«بريتاندىق كەڭەس جاقتان قولداۋدىڭ بولۋى، سونىمەن بىرگە سambridge University Press سەكىلدى بەلدى ۇيىممەن ىنتىماقتاستىق پەن ونىڭ 500 جىلدىق تاريحى، تالاسسىز ابىرويى ءبىزدىڭ جوبانىڭ ساتتىلىگىنە نەگىز بولار دەگەن سەنىمدەمىز. بۇل اۋدارما جۇمىسىنىڭ جوعارى ساپاسىنا وڭ اسەر ەتىپ، باسىلىمنىڭ ۇلىبريتانيادا عانا ەمەس، جالپى اعىلشىن ءتىلدى الەمگە تارالۋىنا مۇمكىندىك بەرەر دەگەن سەنىمدەمىز. ءدال وسىنداي اۋدارما جۇمىستارىن يسپان، فرانتسۋز، ورىس، قىتاي جانە اراب تىلدەرىنە اۋدارىپ، انتولوگيا رەتىندە شىعارۋ ءۇشىن كەلسسىوزدەردى جۇرگىزىپ جاتقانىمىزدى اتاپ وتكىم كەلەدى. الەۋەتتى سەرىكتەستەرگە تالاپ تا جوعارى. الدىمەن تاجىريبەگە، ابىروي مەن باسپاحانانىڭ مۇمكىندىكتەرىنە باسىمدىق بەرىلەدى»، - دەدى ايدا بالاەۆا مەموراندۋمعا قول قويۋ راسىمىندە سويلەگەن سوزىندە.

ءوز كەزەگىندە سambridge University Press ۇيىمىنىڭ رەفورما جانە ءبىلىم جونىندەگى ديرەكتورى دجەين مانن قازاقستانمەن مادەني جوبا باعىتىنداعى ىنتىماقتاسىققا قۋاناتىندارىن جەتكىزدى.

«قازاقستاندىق اۆتورلاردىڭ پروزاسى مەن پوەزياسىن اعىلشىن ءتىلدى الەمنىڭ وقىرماندارىنا تانىستىرۋ ءۇشىن بارلىق كۇش-جىگەرىمىزدى سالامىز. سambridge University Press بۇل رەتتە جۇمىس جۇرگىزۋ مۇمكىندىگىنە يە بولىپ وتىرعانى ءۇشىن العىسىن بىلدىرەدى»، - دەيدى ول.

ايتا كەتەيىك، «رۋحاني جاڭعىرۋ» باعدارلاماسىنىڭ ماڭىزدى بولىگى سانالاتىن «جاھاندىق الەمدەگى قازىرگى قازاقستاندىق مادەنيەت» جوباسى بويىنشا قازىرگى ۋاقىتتا ەكى انتولوگيا بويىنشا قىزۋ جۇمىستار ءجۇرىپ جاتىر. ولار - «قازاقستاننىڭ قازىرگى پوەزياسىنىڭ انتولوگياسى» مەن «قازاقستاننىڭ قازىرگى پروزاسىنىڭ انتولوگياسى». ءاربىر انتولوگيا بەس ءجۇز بەتتەن تۇرادى. ءاربىر انتولوگياعا 30 قازاقستاندىق اۆتوردىڭ ەڭبەكتەرى ەنەدى. انتولوگيالاردىڭ قۇرىلىمى مەن مازمۇنى قازاقستان جازۋشىلار وداعىنىڭ ارنايى وتىرىسىندا بەكىتىلگەن بولاتىن.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2254
عيبىرات

قايسار رۋحتى عازيز جان

مۇحتار قۇل-مۇحاممەد 3522