قىرعىز ازاماتتارى اۋەجايدا جۇيەلى تۇردە جۇرگىزىلەتىن تەكسەرۋگە، اتاپ ايتقاندا جەكە بولمەگە الىپ بارىپ تەرگەۋگە الۋ، ۇيالى تەلەفوندارىن تەكسەرۋ، تولقۇجات دەرەكتەرىن، تۇراتىن مەكەن-جايىن جازىپ الۋ سەكىلدى تەكسەرىستەرگە شاقىمدانعان.
قازاقستان سىرتقى ىستەر مينيسترلىگى بۇعان جاۋاپ نوتاسىندا قازاقستاننىڭ مەملەكەتتىك شەكاراسىندا تەكسەرۋ جانە وتكىزۋ پۋنكتەرىندە زاڭ بويىنشا "قاۋىپسىزدىك شارالارىنىڭ كۇشەيتىلگەنى" ايتىلعان. استانا ازاماتتار باسقا ەلدەردە سوڭعى جىلى بولعان تەررورلىق اكتىلەرگە بايلانىستى حالىقارالىق تەررورلىق ۇيىمداردىڭ ىقتيمال مۇشەلەرى مەن جاقتاۋشىلارىن انىقتاۋ قاجەت بولعاندىقتان تەكسەرىلەتىنىن ايتادى.
قازاقستان سىرتقى ىستەر مينيسترلىگى ءتيىستى ەلدەردىڭ ارنايى قىزمەتتەرىمەن بىرلەسە وتىرىپ "بارلىق شەتەل ازاماتى بىردەي" تەكسەرىلەتىنىن اتاپ وتكەن.
Abai.kz
