بەيسەنبى, 28 ناۋرىز 2024
3490 0 پىكىر 17 مامىر, 2018 ساعات 10:10

الماتى وبلىسىندا 100 جاڭا بيزنەس-جوبانى ىسكە قوسۋ جوسپارلانىپ وتىر

الماتى وبلىسى ەكونوميكاسىنىڭ دامۋىندا بيزنەس ماڭىزدى ءرول اتقارادى، سوندىقتان قازىر الماتى وبلىسىندا بۇل ماسەلەگە ۇلكەن كوڭىل بولىنۋدە. بيىلعى جىلى 100 كاسىپكەرلىك نىساندارىن اشۋ جوسپارلانىپ، سونىڭ ارقاسىندا 2034 ادام جۇمىسقا ورنالاستىرىلماق.

وبلىس ەكونوميكاسىنىڭ قارقىندى دامۋىندا ميكرو جانە شاعىن بيزنەس سەكتورى ماڭىزدى ءرول اتقارىپ كەلەدى. وبلىستاعى شاعىن جانە ورتا بيزنەستە 110 مىڭ سۋبەكتى، ولاردا جۇمىس ىستەيتىندەردىڭ سانى 11% ءوسىپ، 248 مىڭ ادامعا جەتتى. وسى سالادا وندىرىلگەن ءونىم مەن كورسەتىلگەن قىزمەت كولەمى 1 ترلن. تەڭگەنىڭ اينالاسىندا، ولاردان 75 ملرد. تەڭگە سالىق ءتۇسىپ، ونىڭ جەرگىلىكتى بيۋدجەتتەگى ۇلەسى 37-دەن 43%-كە ءوستى.

الماتى وبلىسىنىڭ كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ مالىمەتتەرى بويىنشا، جاڭا جوبالاردىڭ نەگىزگى بولىگى ساۋدا، ونەركاسىپ جانە تاماق ونىمدەرىن ءوندىرۋ سالالارى بولماق.

ىلە اۋدانىنداعى ەڭ ءىرى جوبالاردىڭ ءبىرى «سوكول اۆتودروم» سپورتتىق-تەحنيكالىق كەشەنى بولىپ تابىلادى. جوباعا 22 ملرد 235 ملن تەڭگە  بولىنگەن.  اۋقىمدى ماقساتتى ورىنداۋعا جەرگىلىكتى تۇرعىنداردان 70 ادامدى جۇمىسپەن قامتۋ مۇمكىندىگى تۋىپ وتىر.

سونىمەن قاتار، ىلە اۋدانى جۇزەگە اسىرىلاتىن جوبالار بويىنشا  ەڭ ۇلكەن كورسەتكىش كورسەتۋدە. جالپى العاندا 418 جاڭا جۇمىس ورنىن اشۋ كوزدەلگەن.  سونىڭ ىشىندە اۋدان ورتالىق جىلىتۋ جۇيەسىن جۇرگىزۋدى، تاۋ-كەن ونەركاسىبىن دامىتۋ ءۇشىن وڭدەلمەگەن كەن ءوندىرۋ زاۋىتىن اشۋ، مال شارۋاشىلىعىن جانە قۇرىلىس ماتەريالدارىن وندىرەتىن بىرنەشە زاۋىتتار سالىنباق.

مىسالى، كوكسۋ اۋدانىندا قاراشادا 1000 باس مالعا ارنالعان جەمدەيتىن ورىن پايدالانۋعا بەرۋ جوسپارلانعان، ال بالقاش اۋدانىندا جالپى قۇنى 895 ملن. تەڭگەدەن اساتىن ەكى ازىق-تۇلىك الاڭى ىسكە قوسىلادى.

قاراتال اۋدانىندا «Almaty Energy Project» جشس اعىمداعى جىلدىڭ قىركۇيەك ايىندا كۇن ەلەكتر ستانتسياسىن، قاپشاعاي قالاسى «سارىبۇلاق جەس» جشس 11 جەل ەلەكتر ستانساسىن تۇرعىزۋدى جوسپارلاۋدا.
ەسكەلدى اۋدانىنىڭ «سالەم-قۇس» جشس بيىلعى جىلى بودەنە شارۋاشىلىعىن سالۋدى باستايدى، اقسۋ اۋدانىنىڭ «كالەكوۆ» شارۋا قوجالىعى ۇشكول كولىندە بالىق ءوسىرۋدى كوزدەۋدە.

جوبالاردىڭ باسى بولىگى 2018 جىلى الاكول اۋدانىندا جۇزەگە اسىرىلاتىن بولادى. وڭىردە  جەكە كاسىپكەرلەر تۋريزم سالاسىن دامىتۋ ءۇشىن  دەمالىس ورىندارىن، قوناق ءۇي كەشەندەرىن، دۇكەندەر مەن شاعىن-بازارلاردىڭ قۇرىلىسىن جۇرگىزىپ جاتىر. رايىمبەك اۋدانى دا وسى سالانى باستى نازارعا الىپ وتىر.

ايتا كەتۋ كەرەك، ولاردىڭ بارلىعى مەملەكەت تاراپىنان قولداۋ تاپقان. ءوز ونىمدەرىن اشۋعا نەمەسە كەڭەيتۋگە نيەت بىلدىرگەن ادامدارعا نەسيە، جەڭىلدىكتەر، گرانتتار بەرىلەتىن بولادى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2251
عيبىرات

قايسار رۋحتى عازيز جان

مۇحتار قۇل-مۇحاممەد 3505