بيشىمباەۆتىڭ ادۆوكاتى سوتتالۋشىلاردىڭ بىرىندە بۇرىنعى مينيسترگە قاتىستى جاڭا دەرەكتەرى بارىن ايتىپ تۇسىندىرگەن. ازىرگە، سوت القاسى وتىنىشكە جاۋاپ بەرمەگەن.

ناۋرىز ايىندا "بايتەرەك" حولدينگىن باسقارعان كەزدە “مەملەكەت قارجىسىن جىمقىردى” دەگەن ايىپپەن بۇرىنعى ۇلتتىق ەكونوميكا ءمينيسترى قۋاندىق بيشىمباەۆ ون جىلعا سوتتالعان. ءىس بويىنشا ايىپتالعان جيىرمادان استام ادامنىڭ بىرنەشەۋى تەرگەۋ ايىپتارىن مويىنداپ، تەرگەۋ ورگاندارىمەن كەلىسىمگە كەلگەن. سوت ولارعا باس بوستاندىعىنان ايىراتىن جازا قولدانباعان نەمەسە از جىلعا سوتتاعان.

بيشىمباەۆ وزىنە تاعىلعان ايىپتاردى جوققا شىعارىپ، ايىپتاۋ جاقتا ءوزىنىڭ كىنالى ەكەنىن دالەلدەيتىن دالەلدەر جوعىن ايتىپ كەلدى. سوت پروتسەستەرى كەزىندە بيشىمباەۆ ەكى رەت پرەزيدەنت نۇرسۇلتان نازارباەۆتان كەشىرىم سۇراپ، “ەشتەڭەگە قاراماستان” پرەزيدەنتكە “وتە ادال” بوپ قالاتىنىن جەتكىزدى. سوت ۇكىمى بويىنشا وعان مەملەكەتتىك قىزمەتپەن اينالىسۋعا تىيىم سالىنعان. سوت مۇلىكتەرىن تاركىلەۋدى بۇيىرعان.

پرەزيدەنتتىك “بولاشاق” ستيپەندياسىنىڭ تۇلەگى قۋاندىق بيشىمباەۆ 2017 جىلدىڭ قاڭتار ايىنان بەرى قاماۋدا. ول قازاقستان ۇكىمەتىندەگى ەڭ جاس مينيسترلەردىڭ ءبىرى. ول 36 جاسىندا مينيستر بولدى.

Abai.kz