بەيسەنبى, 28 ناۋرىز 2024
تۋرا جول 3191 10 پىكىر 17 مامىر, 2018 ساعات 09:45

شەنەۋنىكتەرگە ءدىني توپتارعا كىرۋگە تىيىم سالىنادى

16 مامىردا ماجىلىستە ء"دىني قىزمەت جانە ءدىني بىرلەستىكتەر تۋرالى" زاڭ جوباسى قارالىپ، ءبىرىنشى وقىلىمدا ماقۇلداندى.

جوبادا “دەسترۋكتيۆتى ءدىني اعىم”، ء“دىني راديكاليزم” ۇعىمدارى بار.

“بۇل ۇعىمداردى ەنگىزۋ سونىمەن بىرگە دەسترۋكتيۆتى ءدىني اعىمداردىڭ تارالۋى جانە ولاردىڭ اتريبۋتتارى مەن سىرتقى بەلگىلەرىنە تىيىم سالۋ - قوعامعا بوتەن يدەولوگيانىڭ ەنۋىنە تويتارىس بەرۋگە مۇمكىندىك تۋدىرادى” دەدى زاڭ جوباسىن دەپۋتاتتارعا تانىستىرعان ءدىن ىستەرى جانە ازاماتتىق قوعام ءمينيسترى دارحان كالەتاەۆ.

ءمينيستردىڭ ايتۋىنشا، زاڭ جوباسىنىڭ ماقساتى – “مەملەكەت پەن كونفەسسيالار اراسىنداعى قارىم-قاتىناستى جەتىلدىرۋ، ءدىني قىزمەت سۋبەكتىلەرىنىڭ قۇقىقتارى مەن مىندەتتەرىن ناقتىلاۋ، ءدىن سالاسىن رەتتەۋ”.

قۇجاتتا مەملەكەتتىك قىزمەتكەرلەردىڭ ءدىني ارەكەتتەرىنە بايلانىستى پۋنكتەر بار. اتاپ ايتقاندا، زاڭ جوباسى بويىنشا مىنا ارەكەتتەرگە تىيىم سالىنعان: قىزمەتتىك مۇمكىندىكتى ءدىني بىرلەستىكتىڭ مۇددەسىنە پايدالانباۋ، قاراماعىنداعىلاردى ءدىني قىزمەتكە ماجبۇرلەمەۋ جانە ءدىني بىرلەستىك قۇرماۋ نەمەسە مۇشەسى بولماۋ.

بۇدان بولەك، زاڭ جوباسىندا ءدىني بىرلەستىكتەردىڭ قىزمەتىن باقىلاۋ، جازالاۋ مەكەمەلەرىندەگى سوتتالۋشىلاردىڭ ءدىني ارەكەتىن رەتتەۋ، شەتەلدە ءدىني ءبىلىم الۋعا قاتىستى ماسەلەلەر قامتىلعان.

جوبا قوعامدىق ورىنداردا نيقاب كيۋگە، قۇلشىلىق ەتۋ ورىندارىنان بولەك جەردە نەكە قيۋعا تىيىم سالادى. بۇل تالاپتاردى بۇزعاندارعا ايىپپۇل سالىنادى.

بۇعان قوسا، ءدىني مەكەمەلەردىڭ اشىقتىق ماسەلەلەرى دە قاراستىرىلعان.

- ءدىني بىرلەستىكتەردىڭ قارجى قىزمەتىنىڭ اشىقتىعىن قامتاماسىز ەتۋ بويىنشا نورمالار ۇسىنىلدى. وسى ماقساتتا جوباعا ولاردىڭ ىشكى قارجىلىق ەسەپتەرىن مىندەتتى تۇردە جۇرگىزۋ تالاپتارى ەنگىزىلدى. وسى ەسەپتەردى بۇقارالىق اقپارات قۇرالدارىندا جىل سايىن جاريالاۋ كوزدەلگەن. حالىقارالىق تاجىريبەدە بۇل كەڭىنەن قولدانىلاتىن زاڭنامالىق تالاپ، - دەدى دارحان كالەتاەۆ.

Abai.kz

10 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3532