جۇما, 29 ناۋرىز 2024
2573 0 پىكىر 15 مامىر, 2018 ساعات 08:29

تاجىكستان: ءبىزدىڭ جاۋىنگەرلەر قىرعىز شەكاراسىن بۇزعان جوق

تاجىكستان ۇلتتىق قاۋىپسىزدىك مەملەكەتتىك كوميتەتىنىڭ ءباسپاسوز ورتالىعى قىرعىزستان شەكارا قىزمەتىنىڭ "تاجىك شەكاراشىلارى مەملەكەتتىك شەكارانى بۇزدى" دەگەن مالىمەتىن جوققا شىعاردى. تاجىك كوميتەتىنىڭ 14 مامىردا حابارلاۋىنشا، وقيعا قىرعىزستان اۋماعىندا ەمەس، تاجىك-قىرعىز شەكاراسىنداعى داۋلى ايماقتا بولعان.

قىرعىزستانداعى اقپارات قۇرالدارىنىڭ 12 مامىردا ەلدىڭ ۇلتتىق قاۋىپسىزدىك مەملەكەتتىك كوميتەتىنە سىلتەمە جاساپ حابارلاۋىنشا، تاجىكستاننىڭ ءتورت شەكاراشىسى اۆتوكولىكپەن قىرعىزستان اۋماعىنا شامامەن 40-50 مەتردەي كىرگەن.

"تاجىكستان شەكارا كۇزەتى قىرعىزدىڭ باتكەن وبلىسى لەيلەك اۋدانى سادا اۋىلىندا كەيبىر تۇرعىنداردىڭ قۇجاتتارىن تەكسەرە باستاعان. قىرعىزستاندىقتار بۇعان نارازى بولعان. داۋ شىعىپ، قىرعىزستان تۇرعىندارى تاجىكستاندىق شەكاراشىلار مىنگەن اۆتوكولىكتىڭ كىلتىن تارتىپ العان، شاعىن جانجال بولعان", - دەلىنگەن قىرعىزستان شەكارا قىزمەتى تاراتقان رەليزدە. مەكەمە مالىمەتى بويىنشا، "وقيعا ورنىنا تەز ارادا قىرعىزستان شەكارا جاساعى مەن قۇقىققورعاۋ قىزمەتكەرلەرى جەتتى، جانجال باسىلدى".

دەگەنمەن تاجىكستان ۇلتتىق قاۋىپسىزدىك مەملەكەتتىك كوميتەتىنىڭ شەكارا اسكەرى مەملەكەتتىك باسقارماسىنىڭ ءباسپاسوز حاتشىسى مۇحاممادجون ۋلۋگحودجاەۆتىڭ مالىمدەۋىنشە، "شەكاراشىلار كەيبىر تۇرعىنداردىڭ قۇجاتتارىن تەكسەرگەن" دەگەن مالىمەت شىندىققا جاناسپايدى. ء"بىزدىڭ شەكاراشىلار كورشى ەلدىڭ اۋماعىنا كىردى دەگەنى - جالعان، ولار شەكارانىڭ داۋلى ايماعىندا بولعان. قىرعىز شەكاراشىلارى جانجال شىعارعىسى كەلگەن، بىراق داۋ شەشىلدى", - دەدى تاجىك شەكارا قىزمەتىنىڭ وكىلى.

سونىمەن بىرگە ول "تاجىك شەكاراشىلارى قىرعىز ارىپتەستەرىنەن كەشىرىم سۇراعان" دەگەندى دە جوققا شىعاردى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1570
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3565