جۇما, 29 ناۋرىز 2024
46 - ءسوز 3182 2 پىكىر 16 ءساۋىر, 2018 ساعات 08:32

بىردە-ءبىر جانعا قيانات جاساماعان مەملەكەتتى كارتادان تاۋىپ بەرىڭىزشى...

اقش-تىڭ سيريانى زىمىراندارمەن اتقىلاعاننان كەيىن، ءبىراز ورىسقۇل "اقش الەمدەگى ەڭ زالىم يمپەريا" دەپ زارلاپ، ءتۇرلى اسكەري وپەراتسيالارىن تىلگە تيەك ەتىپ جاتىر. ول ليۆيانى قۇرتتى، اۋعانستاندى وڭدىرمادى، يراك پەن يەمەننىڭ تۇبىنە جەتتى... ارى قاراي بلا-بلا-بلا.

ايتقاندارىنىڭ ءبارى دۇرىس. ءيا، اقش جاۋىز. بىراق جاۋىز ەمەس يمپەريا تاريحتا بار ما؟ بولعان با؟ جوق! ويتكەنى يمپەريا بولۋ دەگەن ءسوز - جاۋىز بولۋ دەگەن ءسوز. سەبەبى ساياساتتا جۇرەك جوق، سايكەسىنشە "وبال بولادى", "جامان بولادى", "كۇنا بولادى" دەگەن ۇعىم دا جوق. وندا تەك ۇلتتىق مۇددە بار. بۇل تۇسىنىك تەك قانا يمپەريالارعا ءتان ەمەس، كۇللى مەملەكەتتەرگە ورتاق. ۇلتتىق مۇددە جولىندا مەملەكەتتىك اپپارات بەيكۇنا حالىقتى قىرىپ، جازىقسىز جاندى تاپتاپ كەتە الادى. جازىلماعان قاتال ساياسي زاڭ سونداي. ونى ورىنداماعان، ودان باس تارتقان ەلدەر تاريحتا جوق بولىپ كەتكەن. ىزگىلىكتى تۋ ەتكەن ءبىر ەلدى اتاپ كورسەتىڭىزشى. تىم بولماعاندا بىرەۋىن. بىردە-ءبىر جانعا قيانات جاساماعان مەملەكەتتى كارتادان تاۋىپ بەرىڭىزشى. كورسەتە دە، تابا دا المايسىز. ويتكەنى ونداي ەل جوق!

وكىنىشكە وراي شىندىق وسى. ادامزات تاريحى ءبىر-ءبىرىنىڭ قانىن توككەن مىڭداعان عاسىرلاردىڭ شەجىرەسى. ادامزات تاريحىندا كۇناسىز حالىق، كىناسىز ەل بولماعان. سەن جاقتايتىن رەسەيىڭ، ءوزى قىرعان ميلليونداعان حالىقتىڭ سۇيەگىنىڭ ۇستىندە تۇر. سەن سۇيەتىن قىتايىڭ، ءوزى ولتىرگەن ميللياردتاعان بەيكۇنا جاننىڭ قابىرىنە سالىنعان. سەن ماقتايتىن اقش-ىڭ، ءوزى جويعان ميلليونداعان بوزداقتىڭ قىزىل قانىمەن بايىعان. ەگەر قاراپايىم عانا وسى ءبىر ساياسي زاڭدىلىقتى تۇسىنبەي، يمپەريالار اراسىنداعى قاقتىعىستا "مىنا ەلدىڭ ادامگەرشىلىگى جوعارى" دەگەن سارىندا اڭگىمە ايتىلسا، وندا ونداي ادامعا ءسوز ايتۋدىڭ نە قاجەتى بار. بوس شىعىن. ءبىر عانا دۇنيەنى ءتۇسىنۋ كەرەك: ساياساتتا جۇرەك پەن ەموتسيا جوق، وندا مي مەن سالقىنقاندىلىق بار. ساياساتتا ساتقىندىق جوق، تەك مۇددەلەر اۋىسۋى بار. بولدى.

اسحات قاسەنعاليدىڭ Facebook-تەگى پاراقشاسىنان

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1579
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3606