جۇما, 29 ناۋرىز 2024
الاساپىران 6551 22 پىكىر 30 ناۋرىز, 2018 ساعات 07:30

«كوك شارعا» شابۋىل جاساعان پوليتسەيلەردى جاۋاپقا تارتۋ كەرەك

قازاقستان رەسپۋبليكاسىنىڭ

باس پروكۋرورى قايرات قوجامجاروۆ

مىرزاعا

قۇرمەتتى قايرات پەرنەشۇلى!

قازاق ەلىندەگى بيىلعى ناۋرىز مەرەكەسى «كوك شارمەن كۇرەس» دەگەن ىڭعايسىز جاعدايمەن تاريحتا قالدى. دوسقا كۇلكى، دۇشپانعا تابا بولدىق. XXI عاسىردا، دەموكراتيالىق، قۇقىقتىق مەملەكەت بولدىق دەپ، الەمگە جار سالعان قازاق ەلى شەتەلدە جۇرگەن بۇرىنعى بانكيردىڭ ءبىرى «ناۋرىزدا كوك شار الىپ شىعىڭدار» دەپ ايتتى دەپ، پوليتسيا قىزمەتكەرلەرى بۇلدىرشىندەردىڭ قولىنداعى شارلارىنا جارماسىپ، ماسقارا بولدىق. قۇدايعا شۇكىر، ىشكى ىستەر مينيسترلىگى دەپارتامەنتى ديرەكتورى الماس سادۋباەۆ مىرزانىڭ بەرگەن تۇسىنىكتەمەسى بۇل زاڭسىزدىققا (شىنىن ايتقاندا، اقىماقتىققا!) اتقارۋشى بيلىكتىڭ قاتىسى جوق ەكەندىگىن، بۇنداي اقىماق بۇيرىقتىڭ ىشكى ىستەر مينيسترلىگى تاراپىنان بەرىلمەگەندىگىن كورسەتتى.

قۇرمەتتى قايرات پەرنەشۇلى، ەندىگى ءسوز كەزەگى  - سىزدە سياقتى. قازاق ەلىندە جالعان اقپارات تاراتقاندارعا جازا بار ەكەندىگىن بىلەمىز. ال پوليتسيانىڭ اتىن جامىلىپ، ولاردىڭ بەرمەگەن بۇيرىعىن بەردى دەپ، بۇلدىرششىندەرگە شابۋىل جاساعان ادامدارعا (ولار جانە پوليتسيانىڭ كيىمىن كيىپ جۇرگەن...) قانداي جازا قولدانۋ كەرەك؟ ولار قازاق ەلىنىڭ قانداي زاڭدارىن بۇزدى؟ الدە ولاردىڭ ءىس-ارەكەتىندە زاڭسىزدىق دەرەگى جوق پا؟ قوعام سىزدەن جاۋاپ كۇتەدى.

;list=PLjpTS9UAMi5HxU1byHLDeNUAQ7umG3uBG

مەنىڭشە، ارنايى كوميسسيا قۇرىلىپ، سول كۇنى «كوك شارعا» شابۋىل جاساعان بارلىق پوليتسيا قىزمەتكەرلەرىنەن جاۋاپ الىپ، ولارعا بۇيرىق بەرگەن جانە سول اقىماق بۇيرىقتى ورىنداعان ادامدار قاتاڭ جاۋاپقا تارتىلۋ كەرەك. ولاردىڭ ءبىرشاماسىن الەۋمەتتىك جۇيە ارقىلى دا انىقتاۋعا بولادى. بۇل ءبىر اسا قىيىن جۇمىس ەمەس دەپ ويلايمىن.

ءبىزدىڭ قوعامدا زاڭسىزدىق بار دا – جاۋاپكەرشىلىك جوق. پروكۋراتۋرانىڭ مىندەتى – (وسىنداي ماسەلە قايتالانباس ءۇشىن) وسى جاۋاپكەرشىلىكتى جۇزەگە اسىرۋ. وسىنداي ءبىر «قىزىق» بولىپ ەدى دەپ، كۇلىپ قويا سالساق، ەرتەڭ وسىنداي جاعداي تاعى دا قايتالانادى. ال كوك شارلاردى «كانپەسكەلەگەن»  پوليتسيا قىزمەتكەرلەرى، كوميسسيا قۇرىلىپ، تەرگەۋ باستالعانعا دەيىن، سول كۇنى شارلارىنان ايرىلعان ءاربىر بالاعا ءجۇز كوك شار الىپ بەرىپ، ولاردىڭ الدىندا تىزەرلەپ وتىرىپ، كەشىرىم سۇراسا، ارتىق بولمايدى.

دوس كوشىم

Abai.kz

22 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3604