جۇما, 29 ناۋرىز 2024
كۇبىرتكە 5263 5 پىكىر 15 ناۋرىز, 2018 ساعات 09:28

باليەۆا زورلاندى دەگەن وقو-لىق بالانىڭ جاعدايىن ايتىپ بەردى

قر بالا قۇقىقتارى جونىندەگى ۋاكىلى زاعيپا باليەۆا زورلىق كوردى دەلىنگەن وقۋشى بالامەن كەزدەستى، - دەپ حابارلايدى اباي-اقپارات Tengrinews.kz تىلشىسىنە سىلتەمە جاساپ.

كەزدەسۋدەن كەيىن ول تىلشىلەرگە بەرگەن سۇحباتىندا بالانىڭ جاعدايىن ايتتى. باليەۆانىڭ ايتۋىنشا، بالانىڭ دەنساۋلىعى مەن قۇقىعىن قورعاۋ ماقساتىندا تەرگەۋشى بالاعا ەشكىمنىڭ دە قانداي دا ءبىر سۇراق قويا المايتىن قاۋلى شىعارعان.  ء"تىپتى مەن بالاعا سۇراق قويا المايمىن. مەنىڭ ماقساتىم - بالانىڭ قاۋىپسىزدىكتە ەكەنىن انىقتاۋ ەدى. ونىڭ جانىندا تۋعان-تۋىسقاندارى بار، ولار تەرگەۋشىنىڭ قاۋلىسىنا سايكەس، زورلىق تاقىرىبىندا سويلەمەۋى ءتيىس. بالا دەمالۋى كەرەك، ونىڭ جانىندا پسيحولوگ بار. بالا وتە كوڭىلدى. دەمالۋى ءۇشىن ءبىر-ەكى كۇن كەرەك سياقتى", - دەدى ول.

دەپۋتات بالانىڭ اناسىمەن تىلدەسكەنىن ايتتى. "بالا قاۋىپسىز جەردە ەكەنىنە كوز جەتكىزدىم. اناسىن كوپ ۋاقىت بويى تابا المادىق - اناسىمەن سويلەستىم، ول دا كەلىستى. ەندى استانادا كەزدەسەمىز، ولار مەنىمەن بىرگە استاناعا ۇشادى. بالاعا قولايلى جاعداي جاساۋ قاجەت، سەبەبى قوسىمشا ساراپتاما جاساۋ بالاعا سترەسس. مەملەكەتتىك ورگان وكىلدەرى كلينيتسيستەر مەن پسيحولوگتاردى، پسيحياترلار مەن بالالار دارىگەرىن بەرۋگە دايىن", - دەپ اتاپ ءوتتى باليەۆا.

سونىمەن قاتار، باليەۆا قازىرگى مەملەكەتتىك باعدارلامالار بويىنشا بالا مەن ونىڭ وتباسى قورعاۋعا الىنىپ، جۇمىسپەن، باسپانامەن جانە جاڭا مەكتەپپەن قامتاماسىز ەتىلەدى.  "وتباسىنىڭ بارلىق مۇشەسى، ونىڭ ىشىندە شەشەسى جۇمىسقا ورنالاسا الادى. ولارعا باسپانا بەرىلەدى. ول جاڭا مەكتەپكە بارادى، جاڭا دوستارى بولادى. وعان قازىر عانا ەمەس، بولاشاعىنا دا قاۋىپسىز جاعداي جاساۋىمىز قاجەت. سەبەبى بالانىڭ بولاشاعى بار. اجەسىمەن سويلەستىك، ولار كوشۋگە دايىن", - دەيدى ول.

بۇعان دەيىن زاعيپا باليەۆا زورلىق كوردى دەلىنگەن بالامەن كەزدەسۋ ءۇشىن شىمكەنتكە 14 ناۋرىزدا تۇنگى ۋاقىتتا ۇشىپ كەلگەن بولاتىن.

ەسكە سالايىق، جەلىدە وقو-نىڭ سارىاعاش اۋدانىنداعى اباي اۋىلىندا جەتى جاسار بالا زورلاندى دەگەن اقپارات تاراعان. كەيىن TVK مالىمەتىنشە، وقو ءىىد وكىلدەرى بۇل دەرەككە قاتىستى قر قىلمىستىق كودەكسىنىڭ 121-بابىنىڭ 4-بولىگى ("سەكسۋالدىق سيپاتتاعى زورلىق-زومبىلىق ارەكەتتەرى") بويىنشا قىلمىستىق ءىس قوزعالعانىن حابارلاعان. الايدا كۇدىكتىلەر نەمەسە ۇستالىپ، قامالعاندار جايلى ەشقانداي مالىمەت تۇسپەدى. ارتىنشا ءبىلىم جانە عىلىم ۆيتسە-ءمينيسترى بيبىگۇل اسىلوۆا ساراپتاما قورىتىندىسى وقۋشى بالانىڭ زورلانعانىن راستاعانىن حابارلاعان.

Abai.kz

5 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3607