بەيسەنبى, 28 ناۋرىز 2024
قاينايدى قانىڭ... 5226 18 پىكىر 19 اقپان, 2018 ساعات 11:17

كور ساتۋشىلاردى كىم باقىلايدى؟

وتكەندەگى قاتتى ايازدىڭ كەزىندە اۋىر قايعىعا دۋشار بولدىق. بولەمنىڭ جەلكىلدەپ ءوسىپ كەلە جاتقان 15 جاستاعى ۇلى اياق-استىنان ينسۋلت بولىپ دۇنيەدەن ءوتىپ كەتتى.

بالانى وجەتتەگى زيراتقا جەرلەۋ ءۇشىن رۇقسات الۋعا باردىق. زيراتتىڭ ادمينستراتورى (شىراقشى دەۋگە كەلمەيدى): جەر بار، 55 مىڭ تەڭگە تولەپ الاسىڭدار دەدى. 55 مىڭدا ەستىگەندە شار ەتتىم: - بۇلارىڭ ادامدى توناۋ عوي. مۇنداي اقشاسى جوق كەدەي ولسە، كومۋسىز قالا ما؟ نە دەگەن سۇمدىق، - دەدىم. الساڭ ال، الماساڭ قوي. كەڭسايعا بارساڭ مۇنان بەس ەسە كوپ تولەيسىڭ دەدى. مۇنشاما اقشانى نە ءۇشىن بەرۋىمىز كەرەك دەپ ەدىم الدىما پرايس-ءليستتى تاستاي سالدى. ونى كورگەندە ءتىپتى ىزالاندىم.

ادامداردىڭ ولىمىنەن اقشا جاساۋدى كəسىپكە اينالدىرعان ەكەن. سولاي دەپ ەدىم، مەنىڭ قاتىسىم جوق، كەرەك بولسا باسشىلارعا بار. ورتالىق زيراتتىڭ كاسساسىنا وسى اقشانى تولەپ كەلگەن سوڭ جەردى كورسەتەمىن دەپ تايىپ تۇردى. ول كاسساسى دۇيسەنبى عانا ىستەيدى ەكەن. كۇن بولسا جۇما. ءمəيىتتى ءۇش كۇن قويىپ قويمايسىڭ عوي. سوسىن əلگىنىڭ ۇستىنەن قارايتىن باسشىعا حابارلاسىپ ەدىك، ءبىراز كۇتتىرىپ كەلدى. كەلدى دە جەر مىنە، كاسساعا 70 تولەڭدەر دە الىڭدار دەپ ميىعىنان كۇلدى. ءتىلىمدى تىستەپ مەن تۇردىم. بولەم كاسسانىڭ دۇيسەنبى عانا ىستەيىتىن ايتىپ، جالىنىپ-جالپايىپ ءجۇرىپ 70 مىڭدى əلگىنىڭ قولىنا بەردى. جەر قازاتىن ءبىر-اق ادامىمىز بار، قازىر جەر 1 مەتر توڭ، ول كومەكشىمەن كەلەدى. كومەكشىگە 10 مىڭ جەكە تولەيسىڭدەر دەپ، جەردى كورسەتىپ كەتىپ قالدى. بۇل ساعات 1-ءدىڭ كەزى ەدى. كەشكى 4-5-تەر شاماسىندا كور قازۋشىلاردىڭ جاعدايىن بىلۋگە بارساق ەكى ماس ورىس قازاتىن جەردى سىزىپ قويىپ وتىر ەكەن. سودان اعايىن-تۋىس، دوس-جاراندار جابىلىپ تۇنىمەن توڭدى ويىپ كور قازدى. 

ەندى سۇراق. كور ساتۋشىلاردى كىم باقىلايدى. ادامداردىڭ قايعىسىنان اقشا جاساپ جۇرگەن ارامزالاردى كىم توقتاتادى؟ ولار پرايس-ليستتە كورسەتىلگەن قىزمەتتىڭ ءبىرىن دە جاساعان جوق. بىراق، 70 مىڭ تەڭگەنى سىپىرىپ الدى. بۇل الاياقتىق ەمەس پە؟ بۇل قىلمىس ەمەس پە؟!

اردابەك سولداتباي

Abai.kz

18 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2250
عيبىرات

قايسار رۋحتى عازيز جان

مۇحتار قۇل-مۇحاممەد 3499