بەيسەنبى, 28 ناۋرىز 2024
3819 0 پىكىر 19 اقپان, 2018 ساعات 08:35

قىرعىزستان ۇلتتىق باس كيىمىن شەتەلدە تىككىزۋگە تىيىم سالماق

قىرعىزستاننىڭ مادەنيەت، اقپارات جانە تۋريزم مينيسترلىگى ۇلتتىق اق قالپاقتى مادەنيەتتىڭ بەلگىسى رەتىندە مارتەبە بەرىپ، سىرتتان اكەلۋگە تىيىم سالۋدى كوزدەيدى. قاۋلى جوباسى قوعامدىق تالقىلاۋعا ۇسىنىلدى.

مادەنيەت مينيسترلىگى بۇل ۇسىنىستىڭ ماقساتى ۇلتتىق ءداستۇردى قولداپ، قىرعىز حالقىنىڭ ابىرويىن كوتەرۋ ارقىلى قۇندىلىقتارىمىزدى كەڭىنەن ناسيحاتتاۋ دەپ اتاپ ءوتتى. وسى ارقىلى بولاشاق ۇرپاقتى رۋحاني تاربيەلەيمىز دەيدى.

«سوڭعى كەزدە ۇلتتىق باس كيىمگە سىي-قۇرمەت كورسەتپەيتىن وقيعالار كوبەيىپ كەتتى. جەكە كاسىپكەرلەر كورشى ەلدەردەن دايىن اق قالپاقتى اكەلىپ، ساتادى. ولاردىڭ ءبارى ساپاسىز. بۇل شەتەلدىك قوناقتارعا ۇلتتىق باس كيىمدەرىمىزدى تانىستىرۋدا كەرى اسەرىن تيگىزەدى»، - دەلىنگەن مينيسترلىك ۇسىنعان قاۋلىدا.

وسىنىڭ الدىندا پارلامەنتتە بىرقاتار دەپۋتاتتار ەل پرەزيدەنتى مەن سپورتشىلاردى شەتەلدە ۇلتتىق باس كيىم كيىپ ءجۇرۋدى مىندەتتەۋ كەرەك دەپ ۇسىنىس جاساعان. قىرعىزستان 5 ناۋرىزدا اق قالپاق جانە قىرعىزدىڭ ۇلتتىق كيىمدەرى كۇنىن اتاپ وتەدى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3522