وتكەن اپتا سوڭىندا 20-عا جۋىق ادام ولاردىڭ ىشىندە بالالار دا بار "گەليوتروپتى گەپاتيت" دياگنوزىمەن اۋرۋحاناعا ءتۇستى دەپ مالىمدەدى وبلىستىق دەنساۋلىق ساقتاۋ جانە الەۋمەتتىك قورعاۋ باسقارماسىنىڭ باسشىسى ناسريگۇل نەكۋشوەۆا.

وسىنىڭ الدىندا ۇننان 19 ادامنىڭ ۋلانعانى، 11 جاستاعى بالانىڭ قازا تاپقانى حابارلانعان. وبلىس باسشىسىنىڭ ءباسپاسوز حاتشىسى نيلۋفار اسلامشوەۆا اۋرۋحاناعا تۇسكەندەردىڭ دەنى پيتۋت جانە شيتحارۆ يشكاشيم اۋدانى تۇرعىندارى ەكەنىن ايتادى.

ناسريگۇل نەكۋشوەۆانىڭ سوزدەرىنشە، ۇننىڭ قۇرامىندا گەليوتروپ ءارامشوبى بولعان، بيدايدى ديىرمەنگە تارتقان كەزدە، بايقاۋسىزدا ءتۇسىپ كەتۋى مۇمكىن.

«وبلىسقا 5,5 توننا بيداي اكەلىنگەن. جەرگىلىكتى تۇرعىندار ونىڭ 2 تونناسىن پايدالانىپ قويدى. جاعداي وتە قيىن. ارنايى ماماندار كەلىپ، قازىر قولدان كەلەتىن بارلىق شارانى جاساپ جاتىر»، - دەدى وبلىستىق دەنساۋلىق ساقتاۋ باسقارماسىنىڭ باسشىسى.

Abai.kz