سەنبى, 7 جەلتوقسان 2019
1910 0 پىكىر 31 قاڭتار, 2018 ساعات 10:24

ترامپ اقش كونگرەسىنە ەلدەگى جاعداي تۋرالى باياندادى

اقش پرەزيدەنتى دونالد ترامپ ەلدەگى جاعداي تۋرالى جولداۋىن ارنادى. ترامپ ەلدىڭ ەكونوميكالىق جەتىستىكتەرىنە توقتالا كەلە، قوس پارتيانى يمميگراتسيا ماسەلەلەرىن رەتتەۋ ءۇشىن ورتاق شەشىم قابىلداۋعا شاقىردى.

ترامپ بيلىككە كەلگەنىنە ءبىر جىل وتكەن سوڭ كونگرەستىڭ بىرلەسكەن وتىرىسىندا بايانداما جاسادى. ءبىر اپتا بۇرىن قوس پارتيانىڭ بيۋدجەتكە قاتىستى كەلىسپەۋشىلىكتەرىنە بايلانىستى فەدەرالدىق ۇكىمەت جۇمىسى جارتىلاي توقتاعان ەدى.

اقش پرەزيدەنتى بايانداماسىندا قىتاي مەن رەسەيدى "قارسىلاستار" دەپ اتادى. سونىمەن بىرگە ول كونگرەستى "يرانمەن يادرولىق كەلىسىمنىڭ كەمشىلىكتەرىن رەتتەۋگە" شاقىرىپ، اقش سولتۇستىك كورەيانىڭ قارۋلانۋىنا قارسى "مەيلىنشە قىسىم كورسەتۋ" ناۋقانىن جالعاستىرا بەرەتىنىن مالىمدەدى.

كوپتەگەن ماسەلەلەر بويىنشا ترامپ ءوز اكىمشىلىگىنىڭ ۇستانىمىن تاعى راستادى. سولاردىڭ ىشىندە "يسلام مەملەكەتى" جانە ء""ال قايداعا" قارسى سوعىستى جالعاستىرۋ، تەرروريزمگە قارسى تۇرۋ، اقش ساياساتىن قولدامايتىن مەملەكەتتەرگە كومەكتى ازايتۋ ماسەلەلەرى بار. بۇعان قوسا ول ۆاشينگتوننىڭ ءوز اسكەرىن اۋعانستاننان جانە باسقا دا ەلدەردەن شىعارۋ مەرزىمدەرىن جاريالامايتىنىن مالىمدەدى.

ترامپتىڭ بايانداماسى 1 ساعات 23 مينۋتقا سوزىلدى، ونى بىرنەشە مارتە قول شاپالاقتاۋمەن ءبولىپ جىبەرىپ وتىردى.

Abai.kz

 

0 پىكىر