سەنبى, 14 جەلتوقسان 2019
2129 2 پىكىر 31 قاڭتار, 2018 ساعات 10:23

استانا "ەكسترەميزممەن كۇرەس" باعدارلاماسىنا 286 ملرد بولەدى

قازاقستان بيلىگى ء"دىني ەكسترەميزم جانە تەرروريزمگە قارسى تۇرۋ جونىندەگى" مەملەكەتتىك باعدارلاماعا بەس جىل كولەمىندە 286 ميللياردتان استام تەڭگە (888 ملن دوللاردان استام) بولەدى.

جوبا "اشىق نورماتيۆتىك زاڭ اكتىلەرى" سايتىندا جاريالاندى. تالقىلاۋعا ۇسىنىلعان باعدارلاما 6 اقپانعا دەيىن سايتتا تۇرادى. قازىر ونى ەشكىم تالقىلاپ جاتقان جوق.

باعدارلاما 2018–2022 جىلدارعا ارنالعان. جوباعا سايكەس، بيلىك قاراجاتتى رەسپۋبليكالىق جانە جەرگىلىكتى بيۋدجەتتەرگە بولەدى.

مەملەكەتتىك باعدارلامانى دايىنداۋ جانە جۇزەگە اسىرۋ قازاقستاننىڭ ۇلتتىق قاۋىپسىزدىك كوميتەتىنە جۇكتەلگەن. سونىمەن بىرگە باعدارلامانىڭ جۇزەگە اسۋىنا بىرنەشە مينيسترلىك، سولاردىڭ ىشىندە اقپارات جانە كوممۋنيكاتسيالار مينيسترلىگى دە جاۋاپتى.

بۇنىڭ الدىندا اقپارات جانە كوممۋنيكاتسيالار مينيسترلىگى وتكەن جىلى مەملەكەتتىك تاپسىرما اياسىندا قازاقستاندىق باققا قانشا قاراجات جولدانعانى تۋرالى مالىمەتتى "قۇقىقتىق مەديا-ورتالىق" قوعامدىق قورىنا بەرمەگەن. سوت قوعامدىق ۇيىمنىڭ بۇعان قاتىستى شاعىمىن قارامادى.

Abai.kz

2 پىكىر