قىتايدىڭ ىلە-قازاق اۆتونوميالى وبلىسى، التاي ايماعى، بۇرىلتوعاي اۋدانى، كوكاعاش اۋىلىنىڭ جەرگىلىكتى بيلىك وكىلدەرى گۇلزيا موۋدىنقىزىنىڭ ىشىندەگى ءۇش ايلىق بالانى اكەسىنىڭ كەلىسىمىنسىز زورلىقپەن العىزىپ تاستاعان.

1982 جىلى تۋعان قازاقستان ازاماتى امان اڭساعانۇلىنىڭ ايتۋىنشا، ايەلى گۇلزيا موۋدىنقىزى قىتاي ازاماتى. نەكە كۋالىكتى قىتايدان العان. ياعني، بۇل وتباسىنىڭ نەكەسى حالىقارالىق نەكە بولىپ سانالادى.

قىتاي بيلىگى امان اڭساعانۇلىنىڭ قازاقستان ازاماتى ەكەنىن ەسكەرمەستەن، ونىڭ قارسىلىعىنا قاراماي، ىشتەگى بالانى اناسىنىڭ قۇرساعىندا ولتىرگەن. ونىمەن قويماي، اماننىڭ ەكى بالاسى مەن ايەلىنىڭ قۇجاتتارىن تارتىپ الىپ، زورلىقپەن قازاقستانعا جىبەرمەي وتىر.

سول سەبەپتى امان اڭساعانۇلى پرەزيدەنتىمىز نۇرسۇلتان نازارباەۆتان، قر سىرتقى ىستەر مينيسترلىگىنەن، حالىقارالىق ادام قۇقىقتارى ۇيىمدارىنان، بۇۇ ادام قۇقىقتارى جونىندەگى كوميتەتىنەن قىتاي بيلىگى بالاسىن قاساقانا ولتىرگەنى ءۇشىن ءبىر ميلليون دوللار كولەمىندە وتەماقى تالاپ ەتەدى.

وسى قاتىگەزدىككە بارعان بارلىق ادامداردى زاڭ جۇزىندە جازالاپ، وتباسىن قازاقستانعا قايتارۋدى سۇرايدى.

Abai.kz