دارىگەرلەر بالانىڭ جاعدايى مۇشكىل ەكەنىن حابارلاعان، بىراق ونىڭ ءومىرى ءۇشىن كۇرەس ءجۇرىپ جاتىر. "بالا ءتىرى، ءبىرىنشى دارەجەلى كومادا جاتىر. امان قالۋ مۇمكىندىگى تىم از", - دەدى ورتالىق دارىگەرلەرى.

بۇعان دەيىن تاشكەنتتىك دارىگەرلەر 11 جاستاعى فەرعانالىق بالانىڭ دەنەسىنەن 16 ينە تاپقانى حابارلانعان ەدى. عىلىمي ورتالىقتا بالاعا توعىز ساعاتقا سوزىلعان وتا جاسالدى. دارىگەرلەر 11 ينەنى الىپ شىققان، قالعان ۇشەۋىن كەلەسى وپەراتسيادا الۋدى جوسپارلاعان.

ساراپتاما ينەلەردىڭ بالا اعزاسىندا ەكى اي بولعانىن كورسەتتى. ينەلەر بالانىڭ موينىندا، ومىرقاسىندا، جۇرەك تۇسىندا، وكپەسىندە، قۋىعىندا، تىك ىشەگىندە بولعان.

ينەلەردىڭ بالا دەنەسىنە قالاي تۇسكەنى ازىرگە بەلگىسىز. دارىگەرلەر بالا 16 ينەنى ءوزى جۇتىپ قويدى دەگەنگە سەنبەيدى. بۇعان قوسا بالانىڭ اس قورىتۋ مۇشەلەرى بۇلىنبەگەن. "بىرەۋ ينەلەردە بالا دەنەسىنە تىققان بولۋى مۇمكىن. ونى قۇقىققورعاۋ ورگاندارىنىڭ قىزمەتكەرلەرى انىقتايدى", - دەدى دارىگەرلەر.

بالانىڭ اكەسى جاقىندا رەسەيدەن ورالعان، اناسى قازىر تەرگەلىپ جاتىر. مالىمەتتەرگە قاراعاندا، 22 قاڭتاردا بالانىڭ ىستىعى كوتەرىلگەن. جاعدايى ناشارلاعانىن كورگەن اناسى بالانى حالىق مەديتسيناسىمەن اينالىساتىن تۋىسقانىنا اپارعان.

Abai.kz