مەملەكەت باسشىسى سۇحبات بارىسىندا بيىل ەلىمىزدە وتكەن شارالاردى قورىتىندىلاپ، جۋرناليستەردىڭ مەيلىنشە وزەكتى ساۋالدارىنا جاۋاپ بەردى.

اتاپ ايتقاندا، قازاقستان پرەزيدەنتى استانادا وتكەن «ەكسپو-2017» مامانداندىرىلعان كورمەسىنە قاتىستى سۇراقتارعا جاۋاپ بەرىپ، جۋرناليستەرگە بۇل ءىس-شارا ەل ەكونوميكاسىنا مۋلتيپليكاتيۆتىك تۇرعىدان وڭ اسەر ەتكەنىن ايتتى.

ەلباسى ەڭبەك ميگراتسياسى، «جاسىل» ەكونوميكا قاعيداتتارىن ەنگىزۋ جانە «تسيفرلىق قازاقستان» باعدارلاماسىن ىسكە اسىرۋ ماسەلەلەرىنە ەرەكشە توقتالدى.

نۇرسۇلتان نازارباەۆ قوعامدىق سانانى جاڭعىرتۋدىڭ جانە قازاق ءتىلىن لاتىن قارپىنە كوشىرۋدىڭ ماڭىزدىلىعىن اتاپ ءوتىپ، «قازاقستانداعى 100 جاڭا ەسىم» جوباسىن ىسكە اسىرۋدىڭ ناتيجەلەرى جونىندە وي ءبولىستى.

كەزدەسۋ بارىسىندا مەملەكەت باسشىسىنىڭ جەكە تۇلعاسىنا قاتىستى ساۋالدار دا قويىلدى.

سۇحباتتىڭ تەلەۆيزيالىق نۇسقاسى 2017 جىلعى 25 جەلتوقساندا رەسپۋبليكالىق تەلەارنالار ارقىلى كورسەتىلەتىن بولادى.

Abai.kz