مالىمدەمەدە رەسەي رەسمي ورىندارى زاڭنىڭ بۇدان بۇرىن امەريكالىق ازات ەۋروپا/ازاتتىق راديوسى جانە «امەريكا داۋسى» راديوسى جۇمىسىن قاتتى شەكتەيتىنىن بىرنەشە مارتە بىلدىرگەنى ايتىلعان.

«ءبىز ءوزىمىزدىڭ جۇمىسىمىزعا بايلانىستى رەسەي بيلىگىنەن الۋىمىز مۇمكىن رەسمي حابارلامالاردى مۇقيات زەرتتەيمىز. جۋرناليستىك قىزمەتكە وراي بولۋى مۇمكىن سالدار تۋرالى ءبىز بولجام جاسامايمىز. الايدا بۇنى قۇراما شتاتتاردىڭ ارەكەتىنە جاۋاپ قادام رەتىندە تۇسىندىرەتىن شارالار شىندىقتى ايتارلىقتاي بۇرمالايدى. RT (Russia Today) جانە "سپۋتنيك" ارنالارىن قوسا العاندا، رەسەي مەدياكومپانيالارى قۇراما شتاتتاعى جۇمىسىن ەركىن جۇرگىزەدى جانە ولاردىڭ ونىمدەرى كابەلدى تەلەۆيزيالىق كومپانيالار جانە FM ستانتسيالارى ارقىلى ترانسلاتسيالانىپ تاراپ جاتىر. الايدا «امەريكا داۋسى»، ازات ەۋروپا/ازاتتىق راديوسىن قوسا العاندا، امەريكالىق مەديا رەسەيدە تەلەۆيدەنيە مەن راديودان ايرىلدى. وعان قوسا كاسىپتىك قىزمەتىن اتقارۋ كەزىندە ءبىزدىڭ جۋرناليستەر رەسەيدە قۋدالانادى جانە ءوز جۇمىسىندا ايتارلىقتاي كەدەرگىگە دۋشار بولادى. ازات ەۋروپا/ازاتتىق راديوسىنا ماقالا جازاتىن نيكولاي سەمەنانى رەسەي سوتى جازعان ماقالاسى ءۇشىن سوتتادى. شتاتتان تىس ءتىلشى ستانيسلاۆ اساەۆتى ۋكرايناداعى رەسەيشىل سەپاراتيستەر قاماۋدا ۇستاپ وتىر. ازات ەۋروپا/ازاتتىق راديوسىنىڭ جۋرناليستەرى بيىل ناۋرىز ايىندا رەسەي وڭتۇستىگىندەگى كراسنودارعا بارعان ءىسسپارىندا شابۋىلعا ۇشىراپ، سوققىعا جىعىلدى. ال «امەريكا داۋسىنىڭ» ءتىلشىسى دەنيەل شيرفكە رەسەيگە قايتۋ كەزىندە ۆيزا بەرمەگەن»،- دەپ اتاپ كورسەتكەن دجون لەنسينگ.

مالىمدەمەدە رەسەيدىڭ امەريكاداعى باق-ىنا جاسالعانداي جاعداي رەسەيدە دە اقش باق-ىنا جاسالسا، اقش سىرتقا حابار تاراتۋ كەڭەسىنىڭ ونى قۋانا قابىلدايتىنى ايتىلعان.

سىرتقا حابار تاراتۋ باسشىسىنىڭ ايۋىنشا، امەريكا مەديا-كومپانيالارى امەريكا زاڭىندا بەكىتىلگەندەي حالىقارالىق اۋديتورياعا، سونىڭ ىشىندە رەسەيگە دە انىق، وبەكتيۆتى جانە تولىق اقپارات بەرۋ تۋرالى ءوزىنىڭ ميسسياسىنا ادال بولىپ قالادى.

رەسەي پرەزيدەنتى ۆلاديمير پۋتين سەنبى كۇنى «شەتەل اگەنتى» - بۇقارالىق اقپارات قۇرالدارى تۋرالى زاڭعا قويعان بولاتىن. قۇقىقتىق اقپارات رەسمي پورتالىنا قويىلعان زاڭ كۇشىنە ەنگەن. ەندى شەتەلدەن قارجىلاي كومەك العان باق «شەتەل اگەنتى» رەتىندە تانىلۋى مۇمكىن.

Abai.kz