سەيسەنبى, 19 قاراشا 2019
1431 0 پىكىر 27 قاراشا, 2017 ساعات 10:13

تاجىكستاندا سۋدياعا بالتامەن شابۋىل جاساعان ادامدى 15 جىلعا سوتتادى

تاجىكستاندا پياندج اۋدانى سوت توراعاسىنا بالتامەن شابۋىل جاساعان ديلوۆار وليموۆ 15 جىلعا سوتتالدى. سوت ۇكىمى تاياۋدا وقىلعان، بىراق زاڭدىق كۇشىنە ءالى ەنگەن جوق. بۇل جونىندە حاتلون وبلىستىق سوتىنىڭ توراعا ورىنباسارى تەمۋر بويزودا حابارلادى.

ونىڭ سوزدەرىنشە، ديلوۆار وليموۆتى تاجىكستان قىلمىستىق كودەكسىنىڭ ادامدى ولتىرمەك بولدى دەگەن ءۇش باپ بويىنشا سوتتاعان.

وقيعا 31 تامىزدا پياندج اۋداندىق سوتىنىڭ عيماراتىندا ورىن العان. ديلوۆار وليموۆ اۋداندىق سوت توراعاسى داۆلاتماند راحيمزودانىڭ بولمەسىنە كىرىپ، ونى بالتامەن ۇرعان. راحيمزودا جارالانىپ، اۋرۋحاناعا تۇسكەن، بولمەسىندەگى بارلىق جيھاز تالقاندالعان.

ءبىر تاۋلىكتەن كەيىن ديلوۆار وليموۆ ۇستالدى.

سول كۇنى پياندج اۋداندىق سوتى ءوليموۆتىڭ بۇرىنعى ايەلىنىڭ شاعىمىن قاراعان ەكەن. ايىپتالۋشى بۇرىنعى ايەلىمەن ءتورت جىل بۇرىن اجىراسىپ، جاڭا وتباسى قۇرعان. ءبىرىنشى ايەلىمەن رەسمي نەكەگە وتىرماعان، ودان تۋعان ەكى بالانى مويىنداماعان. بىراق سوت ەكى بالانىڭ اربىرىنە 130 سومونيدان اليمەنت تولەۋگە مىندەتتەگەن. وليموۆ سوت شەشىمىنە قارسى بولىپ، زالدان شىعىپ كەتىپ، بالتامەن ورالعان.

Abai.kz

0 پىكىر