داريعا نازارباەۆا جاڭا قىزمەتكە تاعايىندالدى، - دەپ حابارلايدى Abai.kz اقپاراتتىق پورتالى سىرتقى ىستەر مينيسترلىگىنىڭ ءباسپاسوز قىزمەتىنە سىلتەمە جاساپ.

ۆەدومستۆو مالىمەتىنشە، قر پارلامەنتى سەناتىنىڭ حالىقارالىق قاتىناستار، قورعانىس جانە قاۋىپسىزدىك كوميتەتىنىڭ ءتورايىمى داريعا نازارباەۆا قر سىرتقى ىستەر مينيسترلىگى قىزمەتىنىڭ ماسەلەلەرى بويىنشا قوعامدىق كەڭەستىڭ جاڭا ءتورايىمى بولىپ سايلانعان.

"داريعا نازارباەۆا وسى لاۋازىمدا پارلامەنت سەناتىنىڭ دەپۋتاتى بىرعانىم ءايتىموۆانى اۋىستىرىپ، ب.ايتىموۆاعا كەڭەستى باسقارا وتىرىپ اتقارعان جۇمىسى ءۇشىن العىس ءبىلدىرىلدى. ءوزىنىڭ كىرىسپە سوزىندە داريعا نازارباەۆا وسى سالاداعى زاماناۋي تالاپتار مەن جاھاندىق ترەندتەرگە جاۋاپ بەرەتىن سىرتقى ساياسي ۆەدومستۆو مەن ازاماتتىق قوعامنىڭ تىكەلەي بايلانىسىن قامتاماسىز ەتۋ قوعامدىق كەڭەستىڭ باستى مىندەتى بولىپ قالاتىنىن اتاپ ءوتتى", - دەدى ءسىم ءباسپاسوز قىزمەتىندەگىلەر.

ۆەدومستۆو باسشىسى باستى تاقىرىپتارى ورتالىق ازيا جانە اۋعانستان بويىنشا قاراردى ىلگەرىلەتۋ، سونداي-اق تەرروريزمگە قارسى ءىس-قيمىل ماسەلەلەرى بولىپ تابىلاتىن 2018 جىلدىڭ قاڭتارداعى بۇۇ قك-دەگى قازاقستان توراعالىعىنا دايىندىعى تۋرالى حابارلادى.

سونداي-اق، بيىل 25-جىلدىعى اتاپ وتىلەتىن قازاقستان رەسپۋبليكاسى ديپلوماتيالىق قىزمەتىنىڭ نىعايتۋى مەن دامۋىنا قوسقان ۇلەسى ءۇشىن داريعا نازارباەۆاعا ءتيىستى مەرەيتويلىق مەدال تابىس ەتىلدى.

Abai.kz