بەيسەنبى, 28 ناۋرىز 2024
بىلگەنگە مارجان 17958 0 پىكىر 16 قاراشا, 2017 ساعات 11:44

كاسىپ باستاۋدىڭ تەتىگى

اۋىلدا كاسىپتى قالاي باستاۋ كەرەك؟ تابىستى قىزمەت سالاسىن قالاي تابۋعا بولادى؟ كاسىپكەرلىكتى دامىتۋدىڭ باستى تەتىگى قايسى؟ مىنە، وسىلار – الدەبىر كاسىپ باستاۋشىلاردىڭ باس اۋىرتار باستى سۇراقتارى...

قازىر اۋىلدىق جەرلەردە جۇمىسسىزداردى وقىتۋ، سونىڭ ىشىندە، كاسىپكەرلىك داعدىلارىن ۇيرەتۋگە باعىتتالعان مەملەكەتتىك باعدارلامالار ازىرلەنگەن. سولاردىڭ ءبىرى – «ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ». ونىڭ شەڭبەرىندە «اتامەكەن» ۇلتتىق كاسىپكەرلەر پالاتاسى «باستاۋ بيزنەس» جوباسىن جۇزەگە اسىردى. نەگىزگى ماقسات – شالعاي اۋىلداردا جۇمىسسىز جۇرگەن جاستاردى جانە ءوزىن-ءوزى جۇمىسپەن قامتىعان تۇرعىنداردى كاسىپ باستاۋعا ۇيرەتۋ جانە قولداۋ. كۋرستىڭ قاتىسۋشىلارى ءبىر ايدىڭ ىشىندە كاسىپكەرلىك نەگىزدەرىن ۇيرەتەدى: قارجىلىق ساۋاتتىلىق، ماركەتينگ جانە زاڭ ماماندىعى نەگىزدەرى، بيزنەس جوسپارلار مەن شەشەندىك داعدىلار.             جوبانى ىسكە اسىرۋى جىل باسىنان بەرى قولعا الىنعان.

جالپى، وبلىستا «باستاۋ بيزنەس» جوباسى 6 اۋداندى قامتيدى. وسى ۋاقىتقا دەيىن 966 شاكىرت ءدارىس الدى. ولاردىڭ ىشىندە 220 ادام ءوز كاسىبىن اشتى. كوبىسى مەملەكەتتەن شاعىن نەسيە الىپ، ءوز يدەيالارىن ءىس جۇزىندە قولدانىپ وتىر.

كاسىپكەرلەر پالاتاسىندا بەلگىلى بولعانداي، «باستاۋ بيزنەس» تۇلەكتەرى نەگىزىنەن مال شارۋاشىلىعى، وسىمدىك شارۋاشىلىعى جانە جۇك تاسىمالداۋعا ىڭعاي تانىتادى. سەبەبى، اتالعان سالالار اۋىلدىق جەرلەردە سۇرانىسقا يە. ءوز كەزەگىندە «اتامەكەن» ۇكپ ولارعا بارىنشا جاقسى جاعداي جاساپ كەلەدى.

ماسەلەن، اندرەي زەلەۆسكي مۇمكىندىگى شەكتەۋلى جان بولسا دا، ءوزىنىڭ يدەيالارىن ىسكەپ اسىرعىسى كەلەدى.

– ءدارىس العان سوڭ پوليمەرلىك قالدىقتاردى قايتا وڭدەۋ بويىنشا بيزنەس-جوبانى  قورعادىم. ۇزاق ۋاقىت بويى جەكە ءىسىمدى اشۋ يدەياسى بولدى. وسى رەتتە ويىما «باستاۋ بيزنەس» ساپ ەتە قالدى. «اتامەكەن» كاسىپكەرلەر پالاتاسىنىڭ قولداۋىمەن قر ءدىن ىستەرى جانە ازاماتتىق قوعامى مينيسترلىگى وتكىزگەن كونكۋرستىڭ جەڭىمپازى بولدىم. كەيىنىرەك «ءموبيلدى  پوليمەرلىك قالدىقتاردى قايتا وڭدەۋ» اتتى ءوزىمنىڭ جوبام گرانتتىق قارجىلاندىرۋعا يە بولدى، – دەيدى «باستاۋ بيزنەس» جوباسىنىڭ تۇلەگى اندرەي زەلەۆسكي.

اندرەي زەلەۆسكي بۇل قارجىعا شاعىن كاسىبىن دوڭگەلەتۋگە جابدىقتار ساتىپ الدى. ءبىر ايدان سوڭ قوقىستى قايتا وڭدەۋدى باستايدى.  اۋليەكول اۋدانىنىڭ تۇرعىنى رىسكۇل اقداۋلەتوۆا «باستاۋ بيزنەس» جوباسى بويىنشا ءبىر اي ءبىلىم الدى. ءوز سوزىندە تاۋەكەلگە  بارىپ، ەكى ميلليون تەڭگە كولەمىندە شاعىن نەسيە العانىن ايتتى. بۇل اقشاعا 10 باس ءىرى قارا مال ساتىپ الدى. ونىڭ ايتۋىنشا، بۇل جوبا جاستاردى اۋىلدا قالدىرۋعا جانە ءوز بيزنەسىن باستاۋعا ىنتالاندىرادى.

— اۋىلدىڭ مالىن باعاتىن جاستار شىعىپ كەلەدى. تەك قانا قورىقپاۋ كەرەك. ءار ءىستىڭ باسىندا سەنى قيىنشىلىق كۇتىپ تۇرادى. ءارى قاراي شارۋا وڭالىپ، جەتىستىككە جەتە باستايسىڭ. مەملەكەت تە جاعداي جاساپ وتىر، بارلىعى ءوز قولىمىزدا، – دەدى كاسىپكەر.

انگەلينا سينەۆا

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3508