جۇما, 29 ناۋرىز 2024
3120 6 پىكىر 15 قاراشا, 2017 ساعات 08:16

سيريادان گروزنىيعا جەتكىزىلگەن قازاقستاندىقتار ەلگە قايتارىلادى

سيرياداعى سوعىس ايماعىنان گروزنىيعا جەتكىزىلگەن قازاقستاننىڭ بەس ازاماتى تاياۋ ۋاقىتتا وتانىنا جەتكىزىلەدى دەپ حابارلادى قازاقستان سىرتقى ىستەر مينيسترلىگىنىڭ ءباسپاسوز حاتشىسى ءانۋار جايناقوۆ.

استانادا ۇكىمەت جيىنىنان سوڭ جۋرناليستەرگە كوممەنتاري بەرگەن جايناقوۆتىڭ ايتۋىنشا، ورال قالاسىنىڭ تۇرعىنى - 1988 جىلى تۋعان ايەل مەن ونىڭ ءتورت بالاسى باسقا ءبىر توپ رەسەيلىكپەن بىرگە 13 قاراشا كۇنى كەشكە گروزنىيعا ارنايى رەيسپەن جەتكىزىلگەن.

"ولاردى گروزنىي اۋەجايىندا قازاقستاننىڭ رەسەيدەگى ەلشىلىگى قىزمەتكەرلەرى كۇتىپ الدى. ايەلدىڭ ۇلكەن بالاسىنىڭ جاسى 5-تە - 2012 جىلى تۋعان، كىشى بالاسى جاسقا تولماعان" دەگەن جايناقوۆ قازاقستاندىقتارعا قاتىستى باسقا اقپارات بەرمەدى.

شەشەنستان باسشىسى رامزان قادىروۆ 13 قاراشا كۇنى كەشكە سيرياداعى سوعىس ايماقتارىنان رەسەيدىڭ 34 ازاماتى، قازاقستاننىڭ بەس ازاماتى مەن وزبەكستاننىڭ ەكى ازاماتى - بارلىعى 41 ايەل مەن بالانىڭ گروزنىيعا جەتكىزىلگەنىن حابارلاعان.

Abai.kz

6 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2262
عيبىرات

قايسار رۋحتى عازيز جان

مۇحتار قۇل-مۇحاممەد 3553