قىرعىزستاننىڭ 2040 جىلعا دەيىنگى دامۋ جوباسى ازىرلەندى
ۇلتتىق كەڭەستىڭ ەلدىڭ تۇراقتى دامۋىنا ارنالعان كەزەكتى وتىرىسىندا قىرعىزستاننىڭ 2018-2040 جىلدارعا دەيىنگى «تازا كووم. جانى دوور» دەپ اتالاتىن دامۋ جوباسى قارالادى. بۇل جونىندە پرەزيدەنت اكىمشىلىگى حابارلادى.
ۇلتتىق كەڭەستىڭ حاتشىسى نۇرسۇلۋ احمەتوۆامەن كەزدەسۋ كەزىندە، قىرعىزستان پرەزيدەنتى المازبەك اتامباەۆ سوڭعى جىلدارى جەتكەن جەتىستىگىمىز، ەكونوميكانىڭ دامۋىنا ءور ماقسات قويا الادى دەپ مالىمدەگەن. ول مىسال رەتىندە ەلگە ساندىق تەحنولوگيانى ەنگىزۋدى اتاپ وتكەن.
پرەزيدەنت سونىمەن بىرگە قىرعىزستان 2040 جىلعا قاراي "ەڭ قاۋىپسىز ءارى قولايلى" ايماققا اينالۋى ءتيىس دەپ مالىمدەگەن.
قازان ايىنىڭ سوڭىندا اتامباەۆ قىسقا مەرزىمدى دەمالىسقا شىققان. مەملەكەت باسشىسىنىڭ ءباسپاسوز حاتشىسى حابارلاعانداي، ول دەمالىس كەزىندە 2040 جىلعا دەيىنگى تۇراقتى دامۋ جوباسىن اياقتاۋى كەرەك بولعان.
"تازا كووم" دەپ اتالاتىن اقپاراتتىق تەحنولوگيانى ەنگىزۋ جوباسىنىڭ تۇساۋى بيىل ناۋرىز ايىندا كەسىلگەن.
Abai.kz
