بەيسەنبى, 28 ناۋرىز 2024
اكىمنىڭ ءىسى 5182 2 پىكىر 10 قاراشا, 2017 ساعات 15:40

قالا اكىمىنىڭ ءسوزى جەردە قالعان جوق. كاسىپكەرلەر قولداپ جاتىر

وتكەندە الماتى قالاسىنىڭ اكىمى باۋىرجان بايبەك قازاقستان پرەزيدەنتى جانىنداعى ورتالىق كوممۋنيكاتسيالار قىزمەتىنە بولىپ، ايدىك شاھارداعى سوڭعى توعىز ايدا اتقارىلعان شارۋالار تۋرالى ەسەپ بەردى.  الماتىنى ابات قالاعا اينالدىرۋ ءۇشىن الا جازداي الاشاپقىن بولعان جۇمىستىڭ جايىن باياندادى. كوشەلەردىڭ باعىتى وزگەردى. جاياۋ جۇرگىنشىلەرگە ارنالعان كوشەلەر كوبەيدى. قالاعا جاپ-جاڭا قوعامدىق كولىكتەر اكەلىندى. ت.ب. وسى سەكىلدى ءبىراز جۇمىستىڭ جاي-جاپسارىن  جاريا ەتتى. ونىڭ ۇستىنە اكىمياتقا قاراتا ايتىلعان ءنوپىر سىنعا دا جاۋاپ بەردى.

مۇناراسىنا قاراساڭ موينىڭ ۇزىلەردەي ءزاۋلىم-ءزاۋلىم سارايلاردىڭ اباقتىنىڭ شيماي تورىنداي شارباقتارىن تۇگەل سىپىردى. پانفيلوۆ كوشەسىن الەياعا اينالدىردى. قالا ىشىندەگى كولىك جىلدامدىعى نورماسىن ازايتتى. اباتتاندىرۋ جۇمىستارىن جاسادى. قۇپتارلىق ءىس!

«Worldwide Cost of Living» دەگەننىڭ رەيتينگى بويىنشا، 2016 جىلى الماتى جۇمىس ىستەۋگە ءام ءومىر سۇرۋگە ەڭ قولايلى قالا اتانعان ەكەن.

سويتكەن باۋكەڭ، ءسوز اراسىندا 500 تەڭگەنىڭ تۇسكى اسى جايلى ايتتى. انىعىندا الماتىدا 500 تەڭگەگە ءدامدى تاماق جەۋگە بولاتىنىن ءبىلدىردى.

«ەستەرىڭىزدە بولسا، بىزدە دەۆالۆاتسيا بولعان كەزدە، دوللاردا ءبىر باعا بولسا، قازىر كەز كەلگەن شەتەلدىك رەستوراندا بار بولعانى 500 تەڭگەگە تاماقتانا الاسىز. بۇل وتە ارزان، سوندىقتان ءبىزدىڭ رەيتينگىمىز جوعارى»، - دەدى اكىم.

وسىدان كەيىن، باۋىرجان قادىرعاليۇلىنىڭ جوعارىداعى قارۋار جۇمىسى جايىنا قالدى دا سىنىقتان سىلتاۋ ىزدەپ وتىرعان كەيبىرەۋلەر الەۋمەتتىك جەلىلەردە «500 تەڭگەنىڭ» جىرىن جىرلاپ كەتتى.

راس، اكىمىنىڭ بۇل ءسوزى كوپتى سەندىرە الماۋى مۇمكىن. سوندىقتان بولار ءار نارسەگە الاق-جۇلاق ەتىپ وتىراتىن الەۋمەتتىك جەلىنىڭ «تۇرعىندارى» ءاي، ءبىر جەتىسىپ قالدى دەرسىز... الايدا:

بىرىنشىدەن، نارىقتا باعا مونيتورينگى جوق. اۋىلشارۋاشىلىعى ونىمدەرىنىڭ وزىمىزدە وندىرىلەتىنىن ەسكەرسەك، نارىقتاعى باعا اكىم كەلتىرگەن دەرەكتەن دە تومەن بولۋى كەرەك. سەبەبى، قازاقستاننىڭ اگرارلىق سالاسىن – تۇراقتى دامىپ جاتقان، ەلدىڭ ازىق-تۇلىك قاۋىپسىزدىگىن قامتاماسىز ەتىپ وتىرعان، سونىمەن بىرگە ازىق-تۇلىك تاۋارلارىنىڭ جانە شيكىزاتتىڭ نەگىزگى تۇرلەرى مەن ىشكى نارىقتىڭ قاجەتتىلىكتەرىن تولىقتاي قامتاماسىز ەتىپ وتىرعان سالا رەتىندە سيپاتتاۋعا بولادى.

وعان دالەل، بۇگىندە قازاقستان 900 مىڭ توننادان استام ەت وندىرەدى
اۋىلشارۋاشىلىق سالاسىنداعى جالپى ونىمدەردىڭ 45%-ى مال شارۋاشىلىعى سالاسىنا تيەسىلى. شارۋالار وندىرگەن  كوكونىس پەن جەمىس-جيدەك رەسپۋبليكا تۇرعىندارىنىڭ قاجەتتىلىكتەرىن 54%-عا قامتاماسىز ەتىپ وتىر. ەندەشە، باۋىرجان بايبەك مىرزا ايتپاقشى، 500 تەڭگەگە تويا تاماق جەۋگە ابدەن بولادى.

دەسە دە، الەۋمەتتىك جەلىنىڭ حيتى بولعان اكىمنىڭ ءسوزىن قالا كاسىپكەرلەرى وڭ قابىلداپتى.  «اكىمدى قولدايىق» دەگەن كەيبىر رەستوراندار مەن اسحانالار «500 تەڭگەنىڭ» اس ءمازىرىن حالىققا ۇسىنىپ تا جاتىر.

ەندەشە، اكىمنىڭ ءسوزى ءام قالا تۇرعىندارىنىڭ رەاكتسياسى ءپوزيتيۆتى قورىتىندى بەردى دەپ ايتۋعا ابدەن بولادى. سوندىقتان، باسقا دا اسحانا، مەيرامحانا، ءدامحانا بيزنەسىندەگى جۇرتتى قالا اكىمىن قولداۋ اكتسياسىنا شاقىرعان ءجون بولار.

نۇرگەلدى ابدىعانيۇلى

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3530