ءشامشى قالداياقوۆ اتىنداعى وڭتۇستىك قازاقستان وبلىستىق فيلارمونياسىنىڭ «نۇرىن شاشقان وڭتۇستىك» اتتى كونتسەرتى ورال جانە اقتوبە قالالارىندا  وتتى.

ايتۋلى كەش شىمىلدىعىن «ەلباسى قورى» سىيلىعىنىڭ لاۋرەاتى، حالىقارالىق بايقاۋدىڭ باس جۇلدە يەگەرى «قازىنا» بي ءانسامبلى «قارا جورعا» بيىمەن اشتى. مۇنان سوڭ كورەرمەندەر ۇلتتىق ونەرىمىزدى شەتەلدەردە ناسيحاتتاپ جۇرگەن مادەنيەت مايتالمانى اقمارال بينازاروۆا، قر مادەنيەت قايراتكەرلەرى سۇندەت ميراليەۆ جانە ايجان تاشەنوۆا، اينۇر نۇراشوۆا سەكىلدى انشىلەردىڭ ورىنداۋىندا «ءشامشى اندەرىنەن پوپۋري»، «بايدىبەكتىڭ جايلاۋى»، «بوزبالا»، «ەلگە ساپار»، «دومبىرا» اندەرىن تىڭدادى. اتالعان مادەنيەت وكىلدەرىنىڭ ونەرىن «سۇگىر» اتىنداعى قازاق ۇلت-اسپاپتار وركەسترىنىڭ جانىنان قۇرىلعان «تۇمار» فولكلورلىق ءانسامبلى سۇيەمەلدەدى.

ال قاراشا ايىندا باتىس قازاقستان وبلىستىق عاريفوللا قۇرمانعاليەۆ اتىنداعى فيلارمونيا جانە عازيزا جۇبانوۆا اتىنداعى اقتوبە وبلىستىق فيلارمونيا  ارتىستەرى ءبىزدىڭ وڭىرگە كەلىپ كونتسەرت قويماقشى.

بۇگىندە وڭتۇستىك قازاقستان وبلىسىنداعى ش. قالداياقوۆ اتىنداعى وبلىستىق فيلارمونيادا 250-گە جۋىق ونەرپاز قىزمەت ەتەدى. سوداي-اق بيىل «سۇگىر» اتىنداعى قازاق ۇلت-اسپاپتار وركەسترى 15 جىلدىق مەرەيتويىن تويلاۋدامىز. قاسيەتتى جايىق وڭىرىمەن ورناتىلعان مادەني بايلانىسىمىز ماڭگىلىك بولسىن! – دەيدى ش. قالداياقوۆ اتىنداعى فيلارمونيا ديرەكتورى ءنۇرسات بەيسەقوجاەۆ.

Abai.kz