قازاقستان رەسپۋبليكاسى مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ تاپسىرماسى بويىنشا  «شايسۇلتان شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعى» رمقك  جاس مەملەكەتتىك قىزمەتشىلەر اراسىندا  «ءتىل شەبەرى-2017» رەسپۋبليكالىق كونكۋرسىن وتكىزەدى دەپ حابارلايدى اباي-اقپارات. كونكۋرس  2017 جىلعى 27 قىركۇيەكتە استانا قالاسى، كەرەي، جانىبەك حاندار كوشەسىندە ورنالاسقان تىلەپ قوبىز سارايىندا وتەدى. باستالۋى 14.00 ساع.

كونكۋرستىڭ ماقساتى: جاھاندىق وركەنيەت پەن ەلىمىزدىڭ دامۋ باعىتىنا ساي  ءۇش ءتىلدى – قازاق، ورىس جانە اعىلشىن تىلدەرىن جەتىك مەڭگەرگەن، جان-جاقتى ءبىلىمدى، ءوزىنىڭ سالاسىندا كاسىبي قۇزىرلى  مەملەكەتتىك قىزمەتشى جاستاردى  انىقتاپ، قولداۋ كورسەتۋ;

كونكۋرس ءۇش اتالىمنان تۇرادى:

1) «تۇساۋكەسەر» – تاپسىرىلعان تاقىرىپتىڭ مازمۇنىن قازاق تىلىندە تولىق اشۋ;

2) «ۇلتتانىم» – قازاق ەلىنىڭ تاريحى مەن ۇلى تۇلعالارى، قازاق جەرى جانە ونىڭ ايماقتارى جونىندەگى سۇراقتارعا ورىس جانە اعىلشىن تىلدەرىندە جاۋاپ بەرۋ.

3) «ونەرتانىم» – ءۇش ءتۇرلى جاڭىلتپاشتى جاڭىلماي ءۇش رەت ايتۋ.

بايقاۋ جەڭىمپازداردى سالتاناتتى ماراپاتتاۋ راسىمىمەن اياقتالادى.

قاتىسۋشىلار: قر مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ وكىلدەرى، استانا قالاسىنىڭ زيالى قاۋىم وكىلدەرى.

بايلانىس تەلەفوندارى:    8 (7172) 408397; 8 7089234164

اباي-اقپارات