بەيسەنبى, 17 قازان 2019
بيلىك 4167 1 پىكىر 30 قىركۇيەك, 2017 ساعات 10:35

مەمحاتشى رەسپۋبليكالىق جەرلەستەر فورۋمىنا قاتىستى

 

2017 جىلعى 28 قىركۇيەكتە قازاقستان رەسپۋبليكاسىنىڭ مەملەكەتتىك حاتشىسى گۇلشارا ابدىقالىقوۆا اقتوبە وبلىسىنا جۇمىس ساپارىمەن بارىپ، «رۋحاني جاڭعىرۋ» باعدارلاماسى اياسىنداعى «تۋعان جەر» رەسپۋبليكالىق جەرلەستەر فورۋمىنا قاتىستى.

فورۋمعا سونداي-اق پارلامەنت دەپۋتاتتارى، مەملەكەتتىك ورگانداردىڭ باسشىلارى، قوعام قايراتكەرلەرى، بەلگىلى عالىمدار، شىعارماشىلىق زيالى قاۋىم وكىلدەرى، ايگىلى سپورتشىلار، الەمنىڭ 20 مەملەكەتىندە تۇراتىن اقتوبەلىك جەرلەستەر قاتىستى.

گ.ابدىقالىقوۆا فورۋمعا قاتىسۋشىلارعا قر پرەزيدەنتى ن.ءا.نازارباەۆتىڭ قۇتتىقتاۋ ءسوزىن وقىپ بەردى. وندا «رۋحاني جاڭعىرۋ» اياسىندا جۇزەگە اسىرىلىپ جاتقان ايرىقشا ماڭىزدى جوبالاردىڭ ءبىرى – «تۋعان جەر» جوباسى ەكەنى اتاپ وتىلگەن. تۋعان جەرگە ىڭكارلىك تۋعان ەلگە سۇيىسپەنشىلىككە ۇلاسادى. تۋعان جەرگە قامقورلىق تۋعان ەلگە جاناشىرلىقپەن استاسادى. جالپىۇلتتىق ءپاتريوتيزمنىڭ وزەگى ىسپەتتى «تۋعان جەر» باعدارلاماسى وسىنداي ىزگى نيەتتەر مەن شارالاردى جۇيەلەپ، ورتاق يگىلىككە اينالدىرۋدى كوزدەيدى.

مەمحاتشى ءوز سوزىندە ساياسات پەن ەكونوميكاداعى اۋقىمدى وزگەرىستەردىڭ وزەگى قوعامدىق سانانى ىسىمىزدەن وزا وتىرىپ جەتىلدىرۋ – «رۋحاني جاڭعىرۋ» جالپىۇلتتىق جوباسى ەكەنىنە توقتالىپ ءوتتى. وسى ماقساتقا جەتۋ ءۇشىن ەلىمىزدە 6 بىرەگەي جوبا جۇزەگە اسىرىلۋدا. سونىڭ ءبىرى – جالپىۇلتتىق ءپاتريوتيزمنىڭ ماڭىزدى نەگىزىنە اينالعان «تۋعان جەر» باعدارلاماسى.

گۇلشارا ابدىقالىقوۆا سونداي-اق مەملەكەت-جەكەمەنشىك سەرىكتەستىگى نەگىزىندە سالىنعان «جەكپە-جەك سپورت سارايىنىڭ» اشىلۋ راسىمىنە قاتىستى. راسىمنەن كەيىن دزيۋدودان قازاقستان رەسپۋبليكاسى پرەزيدەنتىنىڭ كۋبوگى ءۇشىن حالىقارالىق تۋرنير باستالدى.

– بيىل ەلىمىزدە ءۇشىنشى جاڭعىرۋ باستالدى. ونىڭ ءبىر باعىتى رۋحاني جاڭعىرۋ بولىپ سانالادى. ءبىزدىڭ «رۋحاني جاڭعىرۋ» باعدارلامامىز بەن اۋدارعاندا «جۇمساق جول» دەگەن ماعىنانى بىلدىرەتىن دزيۋدونىڭ ورتاق قۇرامداستىعى بار. ول – سانانىڭ كەمەلدەنۋى، – دەدى گۇلشارا ابدىقالىقوۆا تۋرنيرگە قاتىسۋشىلارعا ارنالعان قۇتتىقتاۋ سوزىندە.

ساپار بارىسىندا گۇلشارا ابدىقالىقوۆا «رۋحاني جاڭعىرۋ» باعدارلاماسىن جۇزەگە اسىرۋ اياسىندا سالىنعان الەۋمەتتىك-مادەني نىسانداردا دا بولدى.

فورۋم قازاقستاندىق ەسترادانىڭ تانىمال ارتىستەرىنىڭ قاتىسۋىمەن وتكەن ۇلكەن مەرەكەلىك كونتسەرتپەن اياقتالدى.

Abai.kz

1 پىكىر