بەيسەنبى, 28 ناۋرىز 2024
الاڭ 5916 2 پىكىر 28 تامىز, 2017 ساعات 10:42

سىرا ءىشىپ تايراڭداپ ءجۇر، قازاقتىڭ قاراكوزدەرى...

«بۇگىن توڭازىتقىشتى اشسام، ىشىندە سىرا تۇر، كۇيەۋىم «باسىڭدى جاز»، - دەپ قويىپتى...»، - دەدى دينارا اتتى ءبىر قىز. ءوزى ءماز، ونىسىنا. مەن بولسام اڭ-تاڭ بولدىم الگىگە. ءارى قاراي كەشە تابيعاتتا كۇيەۋىمەن جانە ونىڭ دوستارىمەن دەم الىپ ىشكەندەرىن ماقتانىپ ايتىپ جاتىر، سودان مىنە ءارى قاراي باستارىن جازىپ الكوگولدىك سۋسىنداردى كەزەكتەسىپ، بىرلەسىپ ىشكەنىن ءبىر كۇشتى زات جاساپ وتىرعانداي جاريالاپ جازىپ وتىر.

قازىرگى قازاق وتباسىلارىنا نە بولعان؟ وتاعاسى نەگە بۇعان جول بەرىپ وتىر؟ سول ادەتتى بالالارى كورىپ، ەرتەڭ ولار دا ونى ۇلگى تۇتادى ەمەس پە؟!  باياعىداي يناباتتى، بايسالدى، دانا انالارىمىزدىڭ قاسيەتى ءبىزدىڭ زامان ايەلدەرىنە دارىماعان با؟! ەرiنە باعىنبايتىن ايەل، كەسەپاتتى قىز، كەسiرلi كەلiن. ايەل ادام  قوعامداعى ءوز ورنىن جازباي تانىپ، ايەلدiكتەن دانالىققا، وتباسى، وشاق قاسى تiرلiگiنەن رۋلى ەلدiڭ قامىن جەيتiن ەل اناسى دەڭگەيiنە كوتەرiلە بiلگەن. قارقابات، اباق، شاشتى، ۇلپان جانە بiز بiلمەيتiن تاعى قانشاما انالارىمىز سونىڭ ايقىن دالەلi.

ءارى قاراي باسقالارى ءالى ءسوزدى ءىلىپ اكەتتى. «مەن بولسام ءىشىپ جۇرگەنىمە ءبىر جۇما بولدى»، - دەپ قارق-قارق كۇلەدى ءبىرى. سىرتتان قاراساڭ ءاپ-ادەمى قىزدار، كيىمدەرى ءتۇزۋ. بىراق ءىس-ارەكەتتەرىن كورىپ، ايتقان سوزدەرىن ەستىسەڭ كوڭىلىن ءتۇسىپ كەتەدى. دالادا سىرا ءىشىپ وتىرا بەرەدى، ەشكىمنەن سەسكەنبەيدى، قاسىنداعى ادامنان ۇيات-اۋ، الكوگولدىك سۋسىننىڭ جاعىمسىز ءيسى اڭقىپ تۇر عوي  دەگەن وي مۇلدە ويلارىنا كىرىپ شىقپايدى.

قازىرگى زامان قىز بالالارىنا الكوگولدىك سۋسىنداردى ءىشۋ دەگەن ەش ءبىر جاعىمسىز ارەكەتكە جاتپايتىن، ءبىر ۇيرەنشىكتى نارسەگە اينالىپ ورنىققان ابدەن. بىراق ونى ايەل زاتىنا ار جاعى قانداي قاتەر تۋعىزاتىنىڭ ويلاساڭ جۇرەگىڭ اۋىرادى... الكوگول – ەس اۋىستىراتىن زات دەگەن ماعىنا بەرەدى، ەڭ الدىمەن ميدىڭ قىزمەتىن بۇزادى. اعزاسى الكوگولمەن ۋلانعان قازاق ايەلىنىڭ ءارى قاراي تاعدىرى قانداي بولماق؟

قىمبات كەرەيباي

اbai.kz

 

 

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2250
عيبىرات

قايسار رۋحتى عازيز جان

مۇحتار قۇل-مۇحاممەد 3500