جۇما, 18 قازان 2019
الاڭ 3748 6 پىكىر 30 ماۋسىم, 2017 ساعات 12:03

ساعىنتاەۆ پەن سابيليانوۆتىڭ ۋادەلەرىندە تۇرۋىن سۇرايمىز!

وتكەن جىلعى ۇكىمەت قۇرعان جەر كوميسسياسىنىڭ ءبىرىنشى وتىرىسىندا ايدىن ەگەۋباەۆ شقو، ءۇرجار اۋدانىنداعى مىڭداعان گەكتار جەردى قىتايلىق كومپانيانىڭ قاتىسى بار «ءباتۋا» جشس جالعا الىپ، ونى يگەرمەي وتىرعانىن جانە ول ءۇشىن ءىرى كولەمدە سۋبسيديا العانىن جاريالاعان ەدى.

سول جيىندا كوميسسيا توراعاسى باقىتجان ساعىنتاەۆ ماسەلەنى باقىلاۋعا الاتىنىن ايتىپ، دەپۋتات نۇرتاي سابيليانوۆ دەپۋتاتتىق ساۋال جولداپ، بارلىق ءمان-جايدى بىلىپ بەرەمىن دەپ ۋادە ەتكەن.

الايدا، وكىنىشكە قاراي ايدىن ەگەۋباەۆ ەكەۋىمىزدىڭ جازباعان جەرىمىز، ايتپاعان چينوۆنيگىمىز، اتتاماعان تابالدىرىعىمىز قالماي ءجۇرىپ، قر اۋىلشارۋاشىلىق مينيسترلىگىنە تولىقتاي دالەلدەپ، «ءباتۋا» جشس زاڭسىز الىپ العان 91 432,5 گا جەردى مەملەكەت مەنشىگىنە قايتارۋ تۋرالى سوتقا ارىز بەرگىزگەن ەدىك.

ەندى بۇگىن قالعان 7250 گا جەردى قايتارۋ كەزىندە «ءباتۋا» جشس ءوزىنىڭ تامىر-تانىسىن، دەمەۋشى-جەبەۋشىلەرىن قوسىپ، ءىستى توقتاتىپ تاستاۋعا نەمەسە جەردى قايتارتپاۋعا بارىن سالۋدا.

ەندى ۇكىمەت باسشىسى باقىتجان ساعىنتاەۆ پەن ءماجىلىس دەپۋتاتى نۇرتاي سابيليانوۆتىڭ وزدەرى بەرگەن ۋادەسىندە تۇرۋىن سۇرايمىز.

ولار ۋادەسىندە تۇرماسا، جەر جاناشىرلارىنىڭ، قاراپايىم حالىقتىڭ قولداۋى كەرەك بولادى.

ماقسات ءىلياسۇلى

Abai.kz

6 پىكىر