بەيسەنبى, 28 ناۋرىز 2024
بيلىك 5748 1 پىكىر 30 ماۋسىم, 2017 ساعات 10:04

جەتىسۋ وڭىرىندە 120 بالالار ءۇيىنىڭ تاربيەلەنۋشىلەرىنە جيناقتاۋ دەپوزيتى اشىلدى

مەملەكەتتىك ءبىلىم بەرۋ جيناقتاۋ جۇيەسى – جوعارى وقۋ ورنىنان دەپوزيتتىك جۇيە بويىنشا ءبىلىم الۋعا جانە حالىققا قولداۋ كورسەتۋگە ارنالعان مەملەكەتتىك باعدارلاما. بۇل باعدارلاما ارقىلى ەلىمىزدىڭ  اربىر ازاماتى قازاقستاندا نەمەسە شەتەلدە وقۋى ءۇشىن اقشا جيناقتاۋعا مۇمكىندىك الادى. وسى جايلى الماتى وبلىسىنىڭ وڭىرلىك كوممۋنيكاتسيالار قىزمەتى الاڭىندا  «قارجى ورتالىعىنىڭ» مەنەدجەرى الپامىس ساتىبالدين باياندادى.

«قازاقستاندا 2013 جىلدان باستاپ مەملەكەتتىك ءبىلىم بەرۋ جيناقتاۋ جۇيەسى (مبجج) ءوز قىزمەتىن باستادى. جۇيەنىڭ وپەراتورى «قارجى ورتالىعى» اق بولىپ تابىلادى. بۇگىنگى تاڭدا 15 مىڭعا جۋىق ءبىلىم بەرۋ جيناقتاۋ سالىمى اشىلدى. ءبىلىم بەرۋ جيناقتاۋ سالىمىنا مبجج-عا قاتىسۋشى بانكتەن اي سايىن جىلدىق 10% سىياقى مەن جىل سايىن مەملەكەتتەن 5% نەمەسە 7% شاماسىندا سىيلىقاقى ەسەپتەلەدى»، - دەدى الپامىس ساتىبالدين.

استانالىق «قارجى ورتالىعىنىڭ» جەتىسۋ جەرىنە بىرنەشە ماقساتتارمەن كەلگەنى ايتىلدى. ولار: الماتى وبلىسىنىڭ جاستار ساياساتى ماسەلەلەرى باسقارماسى مەن قر ءبىلىم جانە عىلىم مينيسترلىگى جانىنداعى «قارجى ورتالىعىنىڭ» اراسىنداعى مەماراندۋمعا قول قويۋ جانە «اينالايىن» بالالار ءۇيىنىڭ 7 تاربيەلەنۋشىلەرىنە  ءبىلىم بەرۋ جيناقتاۋ سالىمىن اشۋ.

«قازىرگى تاڭدا بالالار ۇيىندە 131 بالا تاربيەلەنۋدە. سونىڭ ىشىندە مەملەكەتتىك ءبىلىم بەرۋ جيناقتاۋ جۇيەسى بويىنشا 120 تاربيەلەنۋشىگە جيناقتاۋ دەپوزيتى اشىلعان. باسقا اۋدان بالالارىنا دا وقۋ دەپوزيتتەرى قاراستىرىلعان. بۇل بالانىڭ مەكتەپ بىتىرگەن سوڭ  كەدەرگىسىز قالاعان وقۋ ورنىنا تۇسۋىنە كومەكشى»، - دەدى «اينالايىن» بالالار ءۇيىنىڭ ديرەكتورى سەيسەنباەۆا جادىرا.

ا. ورالبەكوۆا، الماتى وبلىسىنىڭ وڭىرلىك كوممۋنيكاتسيالار قىزمەتى

Abai.kz

 

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3528